სასწრაფოდ მიდით კალენდართან და 22 სექტემბერი მონიშნეთ. სწორედ ამ დღეს გამოვა ეკრანზე ლეგენდარული ბრიტანელი მსახიობის ჯუდი დენჩის ახალი ფილმი ვიქტორია და აბდული.

ფილმის სიუჟეტი რეალურ ამბავზეა დაფუძნებული და ის დედოფალ ვიქტორიასა და ინდოელი მსახურის, აბდულის ურთერთობის შესახებ მოგვითხრობს.

კინოსურათის რეჟისორი სტივენ ფრირსია, რომელსაც ასევე ეკუთვნის ფილმები - The Queen, Philomena და Florence Foster Jenkins.

ფილომენას შემდეგ ეს სტივენისა და ჯუდი დენჩის კიდევ ერთი კოლაბორაციაა, მასთან ერთად სცენარზე Toast-ისა და Billy Elliot-ის შემქმნელმა ლი ჰოლიმ იმუშავა.

როგორც ტრეილერიდან ჩანს, ფილმი გაჯერებულია იუმორით, თუმცა, რა თქმა უნდა, როგორც ფრირსს შეეფერება კომედიურ ელემენტებთან ერთად შევხვდებით დრამასაც, თანაც საკმაოდ დიდი დოზით.

ვნახოთ, საინტერესოა, შეძლებს თუ არა ამ როლით ჯუდი დენჩი მეორე ოსკარის მოპოვებას.