ამის შესახებ NATO-ს გენერალურმა მდივანმა ბერლინში უსაფრთხოების კონფერენციაზე სიტყვით გამოსვლისას განაცხადა.

რატომ არის მნიშვნელოვანი: უკვე რამდენიმე კვირაა რუსეთი უკრაინულ დასახლებებს ირანული კამიკაძე დრონებით ბომბავს.

  • ირანი დრონების მიწოდებას უარყოფს, თუმცა თეთრი სახლის პრესსპიკერის თქმით, რუსეთმა ირანისგან დრონები ნამდვილად მიიღო, რუსი ოპერატორები კი ამ სისტემის გამოყენებას სწავლობენ.
  • აშშ, საფრანგეთი და დიდი ბრიტანეთის აცხადებს, რომ ირანული დრონები გაეროს უშიშროების საბჭოს რეზოლუციას არღვევს.
  • დრონების საწინააღმდეგო სისტემის შესაძენად უკრაინელებმა თანხის შეგროვება დაიწყეს.

დეტალები: NATO-ს გენერალურმა მდივანმა თქვა, რომ ალიანსი უკრაინას გადასცემს საჰაერო თავდაცვის სისტემებს, რათა დაეხმაროს ქვეყანას, თავი დაიცვას დრონებისგან, მათ შორის ირანიდან.

  • "ყველაზე მნიშვნელოვანი, რაც ჩვენ შეგვიძლია გავაკეთოთ არის ის, რომ შევასრულოთ მოკავშირეების მიცემული პირობა — გავაძლიეროთ და მივაწოდოთ კიდევ უფრო მეტი საჰაერო თავდაცვის სისტემა", — განაცხადა მან.

უკრაინა აცხადებს, რომ კრიტიკული ინფრასტრუქტურის ობიექტებზე თავდასხმის შედეგად რუსეთმა მათი ენერგოსტრუქტურის 30% დააზიანა.

  • კულება ზელენსკის ირანთან დიპლომატიური ურთიერთობის გაწყვეტას სთავაზობს.
  • კულებას თქმით, უკრაინასთან ურთიერთობის განადგურებაზე მთელი პასუხისმგებლობა თეირანს ეკისრება, რადგან უკრაინას აქამდე არასდროს დაუფიქსირებია ანტიირანული პოზიცია.