2016 წლის შეიარაღებული ძარცვის საქმეზე, პარიზის სასამართლოს გადაწყვეტილებით, კიმ კარდაშიანი €1-ს კომპენსაციას მიიღებს — ზუსტად იმ თანხას, რომელსაც მილიონერი თავად მოითხოვდა.

იმ ინციდენტში მონაწილეობისთვის, რომელსაც ვარსკვლავმა "ცხოვრებაში ყველაზე საშინელი გამოცდილება" უწოდა, გასულ წელს სასამართლომ 8 პირი ცნო ბრალდებულად. კიმმა და მისმა სტილისტმა, სიმონ ჰარუშმა, ერთობლივ განცხადებაში მადლიერება გამოხატეს ფრანგული მართლმსაჯულების სისტემის მიმართ და აღნიშნეს: "ამ ტრავმულმა გამოცდილებამ ჩვენზე დიდი გავლენა იქონია. დღევანდელი გადაწყვეტილება არა კომპენსაციას, არამედ პასუხისმგებლობასა და აღიარებას ეხება".

ერთ-ერთი ბრალდებული პარიზის სასამართლოში

ერთ-ერთი ბრალდებული პარიზის სასამართლოში

ფოტო: Le Soir

იმ სასტუმროს ყოფილი ადმინისტრატორი, რომელშიც კარდაშიანი გაძარცვეს, €109 516-ს კომპენსაციას მიიღებს, თავად სასტუმრო კი — €50 000.

რაც შეეხება ინციდენტს, 2016 წელს, პოლიციელების ფორმაში გადაცმული 2 მძარცველი კარდაშიანის სასტუმროს ნომერში შეიჭრა, კიმი გაკოჭა და $6 მილიონზე მეტი ღირებულების ძვირფასეულობა მოიპარა.

ასაკის გამო, მძარცველები საფრანგეთში ცნობილნი გახდნენ სახელით "les papys braqueurs" (ბაბუა-მძარცველები), რადგან გასამართლებისას ექვსი მათგანი 60-70 წლის იყო.