ამის შესახებ ირანის საგარეო საქმეთა სამინისტროს სპიკერმა, ნასერ კანაანმა განაცხადა.

რატომ არის მნიშვნელოვანი: უკვე რამდენიმე კვირაა, რაც რუსეთი უკრაინულ დასახლებებს ირანული კამიკაძე დრონებით ბომბავს. ამის დამადასტურებელი არაერთი ფოტო-ვიდეო კადრი გავრცელდა.

  • უკრაინის დაზვერვის მონაცემებით, ოკუპანტმა ქვეყანამ ირანიდან 2 400 ასეთი უპილოტო საფრენი აპარატი შეუკვეთა.
  • დღეს, 17 ოქტომბრის რუსეთმა "შაჰედებით" მიიტანა იერიში კიევზე და უკრაინის კიდევ რამდენიმე ქალაქზე.

დეტალები: ირანის საგარეოს წარმომადგენელი ამბობს, რომ მათ არ მიუწოდებიათ "შეიარაღება ომში ჩართული არცერთი მხარისთვის".

  • "გამოქვეყნებული ინფორმაცია იმის შესახებ, რომ ირანმა რუსეთს უპილოტო საფრენი აპარატები გადასცა, პოლიტიკურადაა მოტივირებული და მას დასავლეთის წყაროები ავრცელებენ".

კონტექსტი: საერთაშორისო მედიები სხვადასხვა პირზე დაყრდნობით წერდა, რომ ირანი გეგმავდა რუსეთისთვის იარაღის მიწოდებას.

  • აშშ-ის ოფიციალური პირების თქმით, ირანი გეგმავს რუსეთისთვის რაკეტებისა და უპილოტო თვითმფრინავების გაგზავნას.

უკრაინა: ბომბსაცავში მყოფმა უკრაინის საგარეო საქმეთა მინისტრმა, დმიტრო კულებამ კოლეგებს მოუწოდა, სანქციები დაუწესონ ირანს, რომელიც რუსეთს დრონებით ამარაგებს.

  • "ევროკავშირს მოვუწოდე: მეტი საჰაერო თავდაცვისა და საბრძოლო მასალის უზრუნველყოფა".