აზერბაიჯანმა სახმელეთო საზღვრის გახსნა კიდევ ერთხელ გადაავადა. ამის შესახებ აზერბაიჯანული მედია იტყობინება. სპეციალური საკარანტინე რეჟიმი, რომელიც ჯერ კიდევ 2020 წელს, კორონავირუსის პანდემიის დროს დაწესდა, პრემიერ-მინისტრ ალი ასადოვის მიერ ხელმოწერილი განკარგულებით კიდევ ერთხელ გახანგრძლივდა.

ახალი განკარგულების თანახმად, საკარანტინე რეჟიმი, რომელიც სახმელეთო საზღვრების ჩაკეტვას ითვალისწინებს, 2027 წლის დილის 6:00 საათამდეა გახანგრძლივებული. წინა განკარგულებით, აღნიშნული რეჟიმი 1 ოქტომბრამდე მოქმედებდა.

აღსანიშნავია, რომ საკარანტინო რეჟიმის ფარგლებში სახმელეთო საზღვარზე გადასვლის შეზღუდვა არ მოქმედებს მიმდინარე წელს დანიშნულ ბაქო-თბილისი-ბაქოს სამგზავრო მატარებელზე.