პრემიერი კობახიძე ჟურნალისტებთან საუბრისას ამბობს, რომ ერთადერთი პრობლემა რაც ექსპრემიერმა ღარიბაშვილმა გუნდს შეუქმნა ისაა, რომ ყოფილი პრემიერი აღმოჩნდა ციხეში. მან გამორიცხა ისიც, რომ "მდინარაძე ღარიბაშვილის ნალაპარაკების გამო წავიდა პოლიტიკიდან".

"დისკომფორტი არის ის, როდესაც ყოფილი პრემიერმინისტრი ხვდება ციხეში კონკრეტული ბრალდებით. ეს რა თქმა უნდა დისკომფორტია და ეს დისკომფორტი შეუქმნა, რა თქმა უნდა, ჩვენს გუნდს ღარიბაშვილმა, რომ კორუფციის ბრალდებით მას მოუწია ციხეში წასვლა. ეს რა თქმა უნდა დისკომფორტია, რომელიც მან შეუქმნა ქართულ გუნდს. უმჯობესი იყო, რა თქმა უნდა, რომ მას არ ჰქონოდა ასეთი საქმიანობა წარსულში, ასეთ შემთხვევებში ბუნებრივია დისკომფორტი იქნებოდა ნაკლები. მე კიდევ ერთხელ მინდა ერთი რამ აღვნიშნო, კორუფცია არის ძალიან ცუდი. კორუფცია არის ძალიან ცუდი და როდესაც ადამიანს აქვს წაყენებული კორუფციასთან დაკავშირებით ბრალდება და როდესაც ეს ბრალდება არის შემდეგ დადასტურებული, ამას ვერანაირად ვერ ჩამოიწმენდ განცხადებებით თუ წერილებით. ყველამ უნდა იზრუნოს საკუთარ წარსულზე, კორუფცია არის ცუდი და ყველამ უნდა შეიგნოს, რომ კორუფცია არის ცუდი. და შესაბამისად, კორუფციას ვერავინ გადაფარავს, კორუფციას ვერავინ გადაფარავს, ვერც წერილებით, ვერც განცხადებებით. კიდევ ერთხელ გავიმეორებ, ძალიან ბევრმა დაიწყო რაღაცების საუბარი, განცხადებების გავრცელება, მაგრამ იმდენად სუფთად მუშაობს ხელისუფლება მთლიანობაში, რომ არცერთ ასეთ მცდელობას არ ჰქონია არავითარი", — განაცხადა კობახიძემ.

ჟურნალისტის კითხვაზე, არსებობს თუ არა ექსპრემიერ ირაკლი ღარიბაშვილის პოლიტიკაში დაბრუნების შანსი, პრემიერი პასუხობს:

"ამის არავითარი რესურსი აღარ არსებობს, როდესაც არის პირდაპირი კორუფციული დანაშაულის ფაქტი".