ე.წ. საკონსტიტუციო სასამართლომ დე ფაქტო პარლამენტისგან განაცხადი 1 აგვისტოს მიიღო, რათა განეხილათ კონსტიტუციასთან შესაბამისობის საკითხი.

რატომ არის მნიშვნელოვანი: დე ფაქტო მთავრობა ბიჭვინთის ტერიტორიის ნაწილის რუსეთისთვის გადაცემას აპირებს. ამ "შეთანხმებით" საქართველოს ოკუპირებული რეგიონის ტერიტორიის ნაწილი რუსეთს გადაეცემა, რაც ქვეყნის ინტერესებს აზარალებს.

  • ამასთან, ბიჭვინთის მოსახლეობა შეშფოთებულია ფაქტით, თუმცა ე.წ. პრემიერმინისტრი გადაწყვეტილებას იმით ამართლებს, რომ "შეთანხმება აფხაზეთის ინტერესებს აკმაყოფილებს".
  • ბჟანიას ბიჭვინთაზე დაწყებული კამათის გამო ერთ-ერთი შეხვედრის დატოვებაც მოუწია.

დეტალები: ე.წ. საკონსტიტუციო სასამართლოს აპარატმა 3 აგვისტოს დაადგინა, რომ განაცხადი რამდენიმე მიზეზის გამო არ აკმაყოფილებდა ე.წ. კონსტიტუციის მოთხოვნებს.

  • აპარატი მიუთითებს, რომ ე.წ. პარლამენტი მიმართვაში არ აფიქსირებს თავის პოზიციას საკითხთან დაკავშირებით და არ იძლევა სამართლებრივ დასაბუთებას.
  • ასევე, ე.წ. საკონსტიტუციო აღნიშნავს, რომ ე.წ. სასამართლო დე ფაქტო მთავრობასა და ფედერაციის მთავრობას შორის აფხაზეთის ტერიტორიაზე არსებული ობიექტის მათთვის გადაცემის შესახებ შეთანხმების დეპულებებსა და გამოყენების წესს არ მიუთითებს.

რას ამბობს საქართველოს ხელისუფლება: პრემიერმინისტრი ირაკლი ღარიბაშვილი აცხადებს, რომ "ზედმეტი აჟიოტაჟი არ უნდა ავტეხოთ".

  • მისივე თქმით, მათი გონივრული პოლიტიკით ქვეყანაში სიმშვიდეს ინარჩუნებენ და ასეთივე გონივრული პოლიტიკით ქვეყანას გააერთიანებენ.
  • პრეზიდენტმა 26 ივლისს განაცხადა, რომ რასაც ბიჭვინთაში ვხედავთ, რუსეთის მიერ საქართველოს ტერიტორიის ანექსიის ფორმაა.