ჟურნალისტთა უფლებების დამცველმა ორგანიზაციამ, მედიაომბუდსმენმა თბილისის პროკურატურას განცხადებები უკვე წარუდგინა.

რატომ არის მნიშვნელოვანი: 13 სექტემბერს ერთ-ერთი ღია წყაროზე აიტვირთა სასულიერო პირებთან, ჟურნალისტებთან აქტივისტებთან, დიპლომატებთან და სხვა პირებთან დაკავშირებით მასალები, რომელმაც სავარაუდოდ, სახელმწიფო უსაფრთხოების სამსახურიდან გაჟონა.

  • ე.წ. კრებსები, დაახლოებით, 58 000-მდე ფაილს მოიცავდა, რომელშიც შედის პირადი ცხოვრების შესახებ დეტალურად დამუშავებული ინფორმაცია;
  • ოფიციალურად მისი ავთენტურობა დადასტურებული არ არის, თუმცა საკუთარი თავი არაერთმა ადამიანმა ამოიცნო.

მანამდე, დაზარალებულად ცნობას 11 ჟურნალისტი ითხოვდა — 10 სახელით 12 ივლისს ევროპულ სასამართლოში საჩივარი გაიგზავნა.

  • მედიაომბუდსმენის თქმით, ამჟამად ორგანიზაცია მოსმენების საქმეზე 30 ჟურნალისტს ეხმარება.
  • "საქმის წარმატებული წარმოება მედიის უფლებების დაცვის საქმეში მნიშვნელოვან ცვლილებებს გამოიწვევს და გახდება წინაპირობა შეიქმნას ძლიერი გარანტიები ფარული მოსმენა-მიყურადებისგან დაცვის კუთხით";
  • "გამყარდეს ჟურნალისტების პირადი და ოჯახური ცხოვრების დაცვის ხარისხი და ჟურნალისტური წყაროების კონფიდენციალურობის სტანდარტი";
  • "შესაბამისად, დაცული იქნება საზოგადოების უფლება, ხელისუფლების ჩარევის გარეშე, მისთვის სასურველი მედიასაშუალებიდან, მიიღოს სანდო და ზუსტი ინფორმაცია".