ფაშიზმზე გამარჯვების დღესთან დაკავშირებით საქართველოს პრეზიდენტის გადაწყვეტილებით, მეორე მსოფლიო ომის მონაწილე ვეტერანებს მედიკამენტების ვაუჩერები გადაეცემათ.

აღნიშნული პროექტი პრეზიდენტის ადმინისტრაციამ კომპანია ავერსთან პარტნიორობით განახორციელა. ამისათვის პრეზიდენტის სარეზერვო ფონდიდან 93 ათას ლარზე მეტი გამოიყო.

ადმინისტრაციის უფროსმა გიორგი აბაშიშვილმა განაცხადა, რომ პრეზიდენტის ინიციატივით, სარეზერვო ფონდიდად გამოიყო თანხა და ფარმაცევტულ კომპანია ავერსთან პარტნიორობით 922 ვეტერანი მიიღებს 140-ლარიან ვაუჩერს, რომელიც მათ დაეხმარებათ მედიკამენტების შეძენაში.

დღესვე, საქართველოს პრეზიდენტი ზუგდიდში ფაშიზმზე გამარჯვების დღესთან დაკავშირებით ომის ვეტერანს ოლგა ცალანს ესტუმრა და 91 წლის ვეტარანი ღირსების ორდენით დააჯილდოვა.