მაღაზიების დახლებზე, ალბათ, უკვე შეამჩნიეთ ერთად ჩამწკრივებული ფერად-ფერადი ყუთები. ვინც ჯერ კიდევ არ იცით, ეს დილმაა — მსოფლიოს ერთ-ერთი ყველაზე მაღალი ხარისხისა და საუკეთესო გემოვნური თვისებების მქონე ხელით დაკრეფილი ცეილონის ჩაი. ყუთების ფერები კი მასში მოთავსებულ ჩაის განსხვავებულ გემოებს აღნიშნავს.

შრი-ლანკურ ჩაის კულტურასა და ცეილონის ჩაის მთავარ მწარმოებელ დილმაზე უფრო მეტის მოსაყოლად ამ საუცხოო ტროპიკულ ქვეყანა-კუნძულზე ევროპროდუქტისა და Movement-ის გუნდმა იმოგზაურა. ვიდეოში გაიგებთ, რა დატვირთვა აქვს ჩაის ადგილობრივებისთვის, რატომ უნდა იყოს ის აუცილებლად საუკეთესო და რატომ იჩენენ მისი წარმოებისას ამხელა სიფრთხილეს.

საუკუნეებით განმტკიცებული ჭეშმარიტებაა, რომ ჩაის თანხლებით კომუნიკაცია და ერთმანეთთან დაახლოება უფრო მარტივი და სასიამოვნოა. დილმაც ნამდვილი ცეილონის ჩაის შექმნით სწორედ ამ პროცესის გამარტივებასა და ერთმანეთთან უკეთესი კომუნიკაციის დამყარებაში დახმარებას ცდილობს.

ცეილონის ჩაი საქართველოში სულ ცოტა ხნის წინ შემოვიდა. ამიტომ ურიგო არ იქნება, თუკი მის დაგემოვნებამდე უფრო მეტს გავიგებთ ჩაის ამ სახეობასა და მის უმსხვილეს მწარმოებელ დილმაზე.

მის სამშობლოში, შრი-ლანკაში ამბობენ, რომ ცეილონის ჩაი ბუნების მიერ ადამიანებისთვის გაღებული ერთ-ერთი ყველაზე ძვირფასი საჩუქარია.

ნამდვილი ცეილონის ჩაი მხოლოდ შრი-ლანკაში იწარმოება

ცეილონის ჩაის სამშობლო შრი-ლანკაა, ტროპიკული კუნძული, რომლის კლიმატური პირობები და ნიადაგი საუკეთესო კომბინაციას ქმნის უმაღლესი ხარისხის ჩაის საწარმოებლად. თუმცა, მისი ნამდვილი გემოს მისაღებად მხოლოდ ეს არ კმარა — შრი-ლანკაში მცენარის მოყვანისა და დამუშავების საკუთარი მეთოდები აქვთ. მათ შორის, ერთ-ერთი ყველაზე მთავარი წესი ჩაის ხელით დაკრეფაა, რაც შესაძლებელს ხდის ნედლი ფოთლებისა და ჩაის ყლორტების საგულდაგულოდ შერჩევას, დახარისხებასა და გასუფთავებას. მეორე მთავარი წესი კი მისი დამზადებისას ნებისმიერ არაბუნებრივ დანამატზე უარის თქმაა.

დილმა — №1 ჩაის ბრენდი შრი-ლანკაში

ამ წესების დაცვით, ნამდვილ ცეილონის ჩაის ოჯახური კომპანია დილმა აწარმოებს. მისი ისტორია 1985 წელს დაიწყო, მას შემდეგ, რაც შრი-ლანკელმა მერილ ჯეი ფერნანდომ ჩაის მოყვანისა და დამუშავების მრავალწლიანი გამოცდილება დააგროვა და თავად გადაწყვიტა საკუთარი საწარმოს შექმნა. კომპანიის სახელწოდებად შვილების — დილანისა და მალიკის — სახელების პირველი ასოები შეარჩია და ასე მიიღო დილმა. დღეს ის ბიზნესს ოჯახთან ერთად უძღვება და შრი-ლანკაში უკვე 35 წელია — ნომერ პირველ, მსოფლიოში კი ერთ-ერთ ყველაზე მაღალი ხარისხის ჩაის ქმნის.

დილმა, შრი-ლანკის ნომერ პირველი ჩაის მწარმოებლის გარდა, ქველმოქმედების საუკეთესო მაგალითიცაა. ის მოგების ნაწილს თავის საქველმოქმედო ფონდში დებს. ფონდის თანხები უთანასწორობასთან ბრძოლასა და განათლების ხელშეწყობას ხმარდება. დილმა ფლობს გარემოს დაცვის ორგანიზაციასაც, რომლის მიზანიც მდგრადი აგრომეურნეობის განვითარება, გარემოსდაცვით საკითხებზე ცნობიერების ამაღლება და ბუნებაში არსებული პრობლემების აღმოფხვრაა.

სწორედ ამგვარი ეთიკური მიდგომებითა და ჩაის წარმოების შრი-ლანკური წესის ზედმიწევნით დაცვით იქმნება ნამდვილი ცეილონის ჩაი — დილმა, რომელიც მსოფლიოს 100-ზე მეტ ქვეყანაში იყიდება და უდიდესი პოპულარობით სარგებლობს ყველა მათგანში.

ნამდვილი ჩაის მოყვარულები დილმას შეძენას ევროპროდუქტის მაღაზიათა ქსელში, ჰიპერმარკეტებსა და სუპერმარკეტებში შეძლებთ.