ოკუპირებული ცხინვალის ე.წ. პრეზიდენტმა ალან გაგლოევმა დღეს, 21 იანვარს ხელი მოაწერა მთავრობის დათხოვნის შესახებ ბრძანებას. ამის შესახებ ოკუპირებული ცხინვალის ე.წ. პრეზიდენტის პრესსამსახური იტყობინება.

განცხადებაში ნათქვამია, რომ ალან გაგლოევმა ე.წ. პრემიერმინისტრი კონსტანტინე ჯუსოევი დაკავებული თანამდებობიდან გაათავისუფლა. მის მოვალეობას ე.წ. ვიცეპრემიერი ძამბოლატ ტადტაევი შეასრულებს.

ოკუპირებული ცხინვალის ე.წ. მინისტრთა კაბინეტს ახალი მთავრობის ფორმირებამდე თავისი მოვალეობების შესრულება დაევალა.