საჯარო სკოლებში, გაკვეთილის დროს, მობილური ტელეფონის გამოყენება პედაგოგებისთვისაც არ იქნება შესაძლებელი, — ამის შესახებ IPN-ს ოცნების ხელისუფლების განათლების სამინისტროში განუცხადეს.

"ის, რომ პედაგოგი მობილურ ტელეფონს გაკვეთილის მიმდინარეობისას შესაბამის შემნახველ ყუთში მოსწავლეების ტელეფონებთან ერთად მოათავსებს, ეს იქნება მაგალითი მათთვის. ამას მასწავლებლებისთვის არ აქვს აკრძალვის ხასიათი. ეს არის უბრალოდ პირადი მაგალითის მიცემა მოსწავლეებისთვის. თუმცა როგორი იქნება ზუსტად რეგულაცია, ამ წუთას წესი შედგენილი არ არის, ვმუშაობთ. მაგრამ შინაარსი არის ის, რომ მასწავლებელი მაგალითი გახდეს ბავშვისთვის", — განუცხადეს "ინტერპრესნიუსს" ოცნების ხელისუფლების განათლების სამინისტროში.

ცვლილებას ზოგადი განათლების შესახებ დაანონსებული რეფორმა ითვალისწინებს, რომლის ძალაში შესვლაც 2026-2027 სასწავლო წელს იგეგმება.

შეგახსენებთ, 10 დეკემბერს, ოცნების პარლამენტმა "უმაღლესი განათლების შესახებ" კანონში III მოსმენით ცვლილებები დაამტკიცა.

დაგეგმილი ცვლილებები, რომელთა ნაწილი 2026 წლიდან დაინერგება, ნაწილი 2027-28 წლიდან, ასე გამოიყურება:

1) 11-წლიანი სწავლება — 2026 წლიდან;

2) მოსწავლეების სახლთან ახლოს მყოფ სკოლებში ჩარიცხვა;

2) I-VI კლასებში საჯარო სკოლებში სასკოლო ფორმები;

3) ე.წ. რეპეტიტორიუმი XI კლასში;

4) მხოლოდ ერთი და საერთო სახელმძღვანელოთი სწავლება;

5) მობილური ტელეფონების აკრძალვა და ა.შ.;