ოცნების ხელისუფლების იუსტიციის მინისტრის მოადგილედ სახელმწიფო გრანტების მართვის სააგენტოს ყოფილი თავმჯდომარე თამარ ზოდელავა დაინიშნა. ამის შესახებ ინფორმაცია ოცნების ხელისუფლების იუსტიციის სამინისტრომ გაავრცელა.

"თამარ ზოდელავა პროფესიით იურისტია. განათლება მიღებული აქვს ივანე ჯავახიშვილის სახელობის თბილისის სახელმწიფო უნივერსიტეტში, შპაიერის ადმინისტრაციული მეცნიერებების უნივერსიტეტსა და ბრემენის უნივერსიტეტში. აქვს საერთაშორისო ორგანიზაციებსა და სახელმწიფო უწყებებში საქმიანობის მრავალწლიანი გამოცდილება. სხვადასხვა პერიოდში მუშაობდა "გერმანიის საერთაშორისო თანამშრომლობის საზოგადოების" (GIZ) პროექტების მენეჯერად.

მინისტრის მოადგილედ დანიშვნამდე იკავებდა სსიპ "სახელმწიფო გრანტების მართვის სააგენტოს" თავმჯდომარის თანამდებობას", — წერია გავრცელებულ ინფორმაციაში.

სახელმწიფო გრანტის მართვის სააგენტოს თავმჯდომარედ თამარ ზოდელავა 2025 წლის 22 აპრილს დაინიშნა. მისი იუსტიციის სამინისტროში გადასვლის შედეგ, ვინ დაინიშნა სახელმწიფო გრანტის მართვის სააგენტოს თავმჯდომარედ ჯერჯერობით უცნობია.