ევროპის საკითხებში ბრიტანეთის სახელმწიფო მინისტრის, სტივენ დაუთის განცხადებით, საქართველოში დემოკრატია საფრთხეშია და "ამ წუხილის საპასუხოდ" ევროპელ პარტნიორებთან ერთად მუშაობენ. აღნიშნული განცხადება მან თემთა პალატის წევრის, კონსერვატორი პოლიტიკოსისადა პარლამენტარის მარკ რიჩარდის კითხვაზე საპასუხოდ გამოაქვეყნა. ინფორმაციას "ტვ პირველი" ავრცელებს.

მისივე განმარტებით, ის ამ თემაზე წინა ოქტომბერს ოცნების საგარეო საქმეთა მინისტრს, მაკა ბოჭორიშვილს ესაუბრა. სტივენ დაუთი საქართველოს ხელმძღვანელობას მოუწოდებს "გაიწვიონ რეპრესიული კანონმდებლობა, გაათავისუფლონ პოლიტიკური პატიმრები და დაუბრუნონ ქვეყანა დემოკრატიულ გზას".

"საქართველოში დემოკრატია საფრთხეშია და ჩვენ ჩვენს ევროპელ პარტნიორებთან ერთად ამ წუხილების საპასუხოდ მჭიდროდ ვმუშაობთ.

წინა ოქტომბერს მე გავუმეორე დემოკრატიულ უკუსვლაზე, ოპოზიციის დაკავებაზე და მოკავშირეთ ელჩებზე თავდასხმებზე ჩემი წუხილებით საქართველოს საგარეო მინისტრ ბოჭორიშვილს.

ჩვენ მოვუწოდებთ საქართველოს ხელმძღვანელებს (leadership) გაიწვიონ რეპრესიული კანონმდებლობა, გაათავისუფლონ პოლიტიკური პატიმრები და დაუბრუნონ ქვეყანა დემოკრატიულ გზას", — წერია სტივენ დაუთის პასუხში.

ცნობისთვის მარკ რიჩარდის კითხვა ქართულ პოლიტიკაში განვითარებული მოვლენების ბრიტანეთზე გავლენას შეეხებოდა.

"რა შეფასებები გააკეთა მან [მინისტრმა] ბოლო დროს საქართველოში არსებული პოლიტიკური ვითარების მის პოლიტიკაზე პოტენციურ გავლენასთან დაკავშირებით?", — ვკითხულობთ მარკ რიჩარდის კითხვაში.