"არ არის ამის შესახებ ჩემთვის ცნობილი, მაგრამ ასე თუ მოხდა ვიტყოდი, რომ იგორა, იგორა და იქ მიგორდა, სადაც არის მისი ადგილი", — ასე უპასუხა კულტურის მინისტრმა თეა წულუკიანმა კითხვას გავრცელებულ ინფორმაციაზე, თითქოს ექსპრეზიდენტი გიორგი მარგველაშვილი ენმ-ს თავმჯდომარე გახდება.

ინფორმაცია დღეს, 26 აპრილს რუსთავი 2-მა გაავრცელა. მათი ცნობით, პარტიის თავმჯდომარის პოსტზე შეთავაზება გიორგი მარგველაშვილმა პირადად მიხეილ სააკაშვილისგან მიიღო.

ყოფილმა პრეზიდენტმა, გიორგი მარგველაშვილმა კი ამ ინფორმაციას 100%-ით ტყუილი უწოდა. მისი თქმით, არის მოგონილი საკითხები, რითაც სურთ, სხვა ამბები გადაფარონ.