ლუტეცია, პირ­ველ რიგ­ში, სი­ლა­მა­ზეს­თან, თა­ვის მოვ­ლას­თან და დადებითი ემოციების გაზიარებასთან ასო­ცირ­დე­ბა. კომპანიის დამფუძნებელი, ვახტანგ ფხაკაძე, მთელი ცხოვრება ქველმოქმედებით იყო დაკავებული, განსაკუთრებულ მნიშვნელობას კი იგი განათლების ხელშეწყობას ანიჭებდა. სწორედ ამიტომ, ერთი წლის წინ, 23 აპ­რილს, მის დაბადების დღეზე ლუ­ტე­ცია ჯგუ­ფმა ვახ­ტანგ ფხა­კა­ძის სა­ხე­ლო­ბის საქ­ველ­მოქ­მე­დო ფონდი ლუ­ტე­ცი­ა დააარსა.

ფონდმა ერთი წლის განმავლობაში საქართველოს ხუთი სხვადასხვა უნივერსიტეტის 10 სტუდენტს დაუფინანსა სწავლა. საქველმოქმედო ფონდი ლუტეციას ბენეფიციარები ივანე ჯავახიშვილის სახელობის თბილისის სახელმწიფო უნივერისტეტის, თბილისის სახელმწიფო სამედიცინო უნივერსიტეტის, ბათუმის შოთა რუსთაველის სახელმწიფო უნივერსიტეტის, გორის სახელმწიფო სასწავლო უნივერსიტეტისა და ქუთაისის აკაკი წერეთლის სახელმწიფო უნივერსიტეტის წარჩინებული სტუდენტების რიგებიდან შეარჩიეს.

"ჩვენთვის მნიშვნელოვანია, ადამიანებმა, განსაკუთრებით კი ახალგაზრდა თაობამ, დაინახონ, რომ მონდომება და შრომა არასდროს რჩება შეუმჩნეველი და ის აუცილებლად დაფასდება. ამიტომაც, გადავწყვიტეთ, ყველაზე წარმატებული და წარჩინებული სტუდენტები დაგვეფინანსებინა", — აცხადებენ ფონდი ლუტეციას ჯგუფში.

ფონდის საქმიანობის ფარგლებში ასევე გაფორმდა ხელშეკრულება უსინათლოთა კავშირთან. ხელშეკრულების თანახმად, ფონდის მხარდაჭერით, 12 უსინათლო და მცირემხედველი ახალგაზრდასთვის კომპიუტერული უნარ-ჩვევების შემსწავლელი კურსები ჩატარდება. კურსდამთავრებულებს გაუწევენ კონსულტაციას საჯარო და კერძო სექტორში დასასაქმებლად. პროექტი უკვე დაწყებულია და 2022 წლის ბოლომდე განხორციელდება.

გარდა ამისა, ფონდმა კომპიუტერული ტექნიკა გადასცა სკოლის მოსწავლეებს აფხაზეთიდან.

ვახ­ტანგ ფხა­კა­ძის სა­ხე­ლო­ბის საქ­ველ­მოქ­მე­დო ფონდი ლუ­ტე­ცი­ა მომავალშიც გააგრძელებს წარმატებული ახალგაზრდების ხელშეწყობას.