რუსეთის საგარეო საქმეთა სამინისტროს განცხადებით, ევროკავშირის ლიდერებს სანქციების საპასუხოდ ქვეყანაში შესვლას უკრძალავს. ევროკავშირის სანქციების წინააღმდეგ საპასუხო ზომების შესახებ ნოტა გადაეცა ევროკავშირის წარმომადგენლობას მოსკოვში. ინფორმაციას სახელმწიფო მედია ტასი ავრცელებს.

რუსი დიპლომატები იმუქრებიან, რომ ევროკავშირისა და მისი წევრი ქვეყნების მხრიდან ნებისმიერ "მტრულ ქმედებას" აუცილებლად მოჰყვება მკაცრი პასუხი.

სამინისტროს განცხადებით, ევროკავშირი რუსეთის წინააღმდეგ სანქციების დაწესებით "საფრთხეს უქმნის" მის მოქალაქეებს და მსოფლიოს ფინანსური და ეკონომიკური სისტემის სტაბილურობას.