კონსტანტინოპოლის პატრიარქი ბართლომე სრულიად საქართველოს პატრიარქის, ილია II-ის დაკრძალვას დაესწრება. ამის შესახებ ინფორმაციას მსოფლიო საპატრიარქო ავრცელებს. მათი ცნობით, პატრიარქს თან ახლავს მისი მაღალყოვლადუსამღვდელოესობა, ქალკედონის მიტროპოლიტი ემანუელი. სასულიერო პირები იმავე დღეს დაბრუნდებიან სტამბოლში.

"მისი ყოვლადუწმინდესობა, მსოფლიო პატრიარქი ბართლომე, 2026 წლის 22 მარტს, კვირას, დილაადრიან გაემგზავრება საქართველოს დედაქალაქ თბილისში, რათა დაესწროს საქართველოს გარდაცვლილი პატრიარქის, მისი უწმინდესობის, ილია II-ის დაკრძალვის პროცესიას, რომელიც წმინდა სამების საკათედრო ტაძარში გაიმართება.

მისი ყოვლადუწმინდესობა ადგილზე გამოუცხადებს თანაგრძნობასა და სამძიმარს დედა-ეკლესიის სახელით წმინდა მღვდელმთავრებს, სამღვდელოებას, ბერ-მონაზვნებს, ხელისუფლებასა და ქვეყნის მორწმუნე ერს.

მის ყოვლადუწმინდესობას თან ახლავს მისი მაღალყოვლადუსამღვდელოესობა, ქალკედონის მიტროპოლიტი ემანუელი.

მსოფლიო პატრიარქი და მისი თანმხლები პირები, ღვთის ნებით, იმავე დღეს დაბრუნდებიან სტამბოლში", — წერია გავრცელებულ ინფორმაციაში.