გლობალური რელიგიური თავისუფლების საკითხებში აშშ-ის სახელმწიფო დეპარტამენტის მთავარი მრჩეველი მარკ უოკერი ილია მეორის გარდაცვალების გამო მწუხარებას გამოთქვამს. ის X-ზე სამძიმრის წერილში წერს, რომ ილია მეორემ "საბჭოთა კავშირის მიერ რწმენის წაშლისა და თავისუფლების ჩახშობის მცდელობის შემდეგ საქართველოს მართლმადიდებლური ეკლესიის თავისუფალი ღვთისმსახურების უნარის დამცველი იყო".

"ღრმა მწუხარებას გამოვთქვამთ ყველა იმ ადამიანის მიმართ, ვინც გლოვობს პატრიარქ ილია II-ის გარდაცვალებას, პატრიარქის, რომელიც საბჭოთა კავშირის მიერ რწმენის წაშლისა და თავისუფლების ჩახშობის მცდელობის შემდეგ საქართველოს მართლმადიდებლური ეკლესიის თავისუფალი ღვთისმსახურების უნარის დამცველი იყო", — წერს მარკ უოკერი X-ზე.