საპატრიარქოში შეკრებილმა სინოდმა სენაკისა და ჩხოროწყუს მიტროპოლიტი შიო სრულიად საქართველოს კათოლიკოს-პატრიარქის ტახტის მოსაყდრედ დაამტკიცა.

შიო მუჯირი პატრიარქმა თანამესაყდრედ 2017 წლის 23 ნოემბერს დაასახელა.

"წმინდა სინოდის სხდომაზე საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ საკითხი დააყენა ეკლესიის მართვა-გამგეობასთან დაკავშირებით, მომავალი პატრიარქის არჩევამდე. აზრი გამოთქვა უხუცესმა მღვდელმთავარმა, მიტროპოლიტმა ანანია ჯაფარიძემ და კათოლიკოს-პატრიარქის ქორეპისკოპოსმა თეოდორემ. წაკითხული იქნა საქართველოს ეკლესიის მართვა-გამგეობის დებულების მე-4 თავის მე-4 პარაგრაფი. სინოდმა პატრიარქის მიერ დადგენილი მოსაყდრე შიო კათოლიკოს-პატრიარქის ტახტის მოსაყდრედ დაამტკიცა," — წერია სინოდის განჩინებაში.

სრულიად საქართველოს კათოლიკოს-პატრიარქს, ილია II-ს კვირას, 22 მარტს, სიონის საკათედრო ტაძარში დაკრძალავენ.