ლვოვის ოლქის სამხედრო ადმინისტრაციის ხელმძღვანელის მაქსიმ კოზიცკის განცხადებით, მშვიდობისა და უსაფრთხოების საერთაშორისო ცენტრზე, სამხედრო ბაზაზე რუსეთის თავდასხმის შედეგად გარდაიცვალა 35 ადამიანი. მისივე ინფორმაციით საავადმყოფოში გადაყვანილია 134 ადამიანი.

"კიდევ ერთხელ ხაზს ვუსვამ და მივმართავ ნატოს ყველა სახელმწიფოს მთავრობას: დახურე ცა უკრაინის თავზე! დახურეთ ცა უკრაინის თავზე ან მოგვაწოდეთ სამხედრო თვითმფრინავები! ახლა გადამწყვეტი მომენტია, რადგან დაიბომბა ადგილი, რომელიც ნატოს ქვეყნის უახლოეს საზღვართანაა", — წერს ის.

ლვოვის რეგიონის ადმინისტრაციის ცნობით, ოკუპანტემბა სულ 30 რაკეტა გაისროლეს, უკრაინის მხარემ გარკვეული რაოდენობის განადგურება ჰაერშივე შეძლო. მათი თქმით, აგრძელებენ ადგილზე მუშაობას და განახლებულ ინფორმაციას გაავრცელებენ.

ადმინისტრაციაში ამბობენ, რომ ამ დროისათვის ხანძარი ჩამქრალია და ნანგრევების დიდი რაოდენობა უკვე გაიწმინდა.

ცენტრი პოლონეთის საზღვრიდან დაახლოებით 25 კილომეტრით არის დაშორებული. მედიის ინფორმაციით, ეს ცენტრი 2007 წელს შეიქმნა და წარმოადგენს სასწავლო-საწვრთნელ ბაზას კადრების მოსამზადებლად უკრაინის შეიარაღებული ძალებისთვის.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში