შვეიცარიის საელჩოში რუსეთის ინტერესების სექცია რუსეთის პრეზიდენტის, ვლადიმერ პუტინის სამძიმრის შესახებ ავრცელებს ინფორმაციას, სადაც ნათქვამია, რომ "რუსეთის პრეზიდენტის, ვლადიმერ პუტინის სახელით, სამძიმრისა და მხარდაჭერის სიტყვები გადაეცა საქართველოს მართლმადიდებლური ეკლესიის საპატრიარქო ტახტის მოსაყდრეს, სენაკისა და ჩხოროწყუს მიტროპოლიტ შიოს და მთელ ქართველ ხალხს".

"22 მარტს, რუსეთის მართლმადიდებლური ეკლესიის დელეგაცია, სრულიად ბელორუსიის საპატრიარქო ეგზარქოსის, მინსკისა და ზასლავის მიტროპოლიტი ვენიამინისა და საერთაშორისო კულტურული თანამშრომლობის საკითხებში რუსეთის ფედერაციის პრეზიდენტის სპეციალური წარმომადგენლის, მ.ე. შვიდკოის ხელმძღვანელობით, დაესწრო სრულიად საქართველოს კათოლიკოს-პატრიარქ ილია II-ის დაკრძალვის ცერემონიას.

რუსეთის პრეზიდენტის, ვლადიმერ პუტინის სახელით, სამძიმრისა და მხარდაჭერის სიტყვები გადაეცა საქართველოს მართლმადიდებლური ეკლესიის საპატრიარქო ტახტის მოსაყდრეს, სენაკისა და ჩხოროწყუს მიტროპოლიტ შიოს და მთელ ქართველ ხალხს.

რუსეთში ღრმა მწუხარებით მიიღეს უწმინდესობის, ქართველი ხალხის ჭეშმარიტი სულიერი ლიდერისა და ეკლესიისა და ხალხისადმი უანგარო მსახურების მაგალითის, გარდაცვალების ამბავი. პატრიარქი ილია II მთელი ძალით იბრძოდა მართლმადიდებლური ერთიანობის შესანარჩუნებლად და ტრადიციული ღირებულებების დასაცავად, რომლებიც ქართული იდენტობის საფუძველს წარმოადგენს. მისმა მრავალწლიანმა არქიპასტორალურმა მოღვაწეობამ მის უწმინდესობას განსაკუთრებული ავტორიტეტი და დამსახურებული პატივისცემა მოუტანა მთელ ქრისტიანულ სამყაროში", – წერია გავრცელებულ ინფორმაციაში.

სარულიად საქართველოს კათალიკოს-პატრიარქი ილია მეორე დღეს დაკრძალეს.