Unian ხერსონის მერზე, იგორ კოლხაევზე, ხოლო უკრაინსკაია პრავდა ჟურნალისტებზე დაყრდნობით წერს, რომ რუსმა ოკუპანტებმა ქალაქში პორტი და რკინიგზის სადგური დაიკავეს. დღის განმავლობაში მოსახლეობა საცავებს ვერ ტოვებდა, რადგან აფეთქებისა და სროლის ხმა იყო. არსებული ინფორმაციით, ღამემ შედარებით მშვიდად ჩაიარა და მხოლოდ ავტომატების ხმა ისმოდა.

როგორც მედიები წერენ, ტელეკომპანია 24-ის ეთერში მერმა პრეზიდენტ ზელენსკის მიმართა და "მწვანე დერეფნის" მოწყობა სთხოვა. მისი თქმით, სჭირდებათ საკვების შემოტანა, საწყობები კი ქალაქგარეთ მდებარეობს.

რადიო თავისუფლებასთან საუბრისას კოლხაევმა განაცხადა, რომ დაღუპულთა და დაჭრილთა ზუსტი რაოდენობის თქმა რთულია. მანვე აღნიშნა, რომ დაღუპულთა შორის არიან როგორც სამხედრო, ასევე სამოქალაქო პირები.

მედიასთან საუბარში ის ამბობს რომ დაბომბილია სკოლები და მაღალსართულიანი სახლებიც. ხერსონში რჩებიან და ცდილობენ, ქალაქის უზრუნველყოფას, რასაც საომარი მოქმედებები ართულებს.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში