უკრაინის შეიარაღებული ძალების ინფორმაციით, 20 თებერვალს რუსეთმა ცეცხლის შეწყვეტის შეთანხმება 80-ჯერ დაარღვია, რა დროსაც საშუალო სიმძიმის დაზიანება მიიღო ერთმა უკრაინელი სამხედრომ. უკრაინის ცნობით, ის კლინიკაში მკურნალობს და მდგომარეობა დამაკმაყოფილებელია.

"20 თებერვალს რუსეთის ფედერაციის შეიარაღებული ფორმირების მიერ 80 დარღვევა დაფიქსირდა, 72 შემთხვევაში მინსკის შეთანხმებით აკრძალული შეიარაღება გამოიყენეს", — აღნიშნულია განცხადებაში.

18 თებერვალს დონეცკისა და ლუგანსკის თვითგამოცხადებული რესპუბლიკების ლიდერებმა მოსახლეობას ევაკუაციისკენ მოუწოდეს. ისინი ამტკიცებდნენ, თითქოს ზელენსკის ბრძანებით უკრაინის ჯარი თავდასხმას აპირებდა. უკრაინის სამხედრო ძალების მეთაურმა ოკუპირებული ტერიტორიების მაცხოვრებლებს მიმართა და ეს ცნობები უარყო. ამ ცნობებს სიცრუე უწოდა ზელენსკის ოფისმაც. როგორც მათ აღნიშნეს, რუსეთი ყველანაირად ცდილობს მათ პროცოცირებას.

თვითაღიარებულმა ლიდერებმა კი მოუწოდეს ადგილობრივებს, რუსეთის ტერიტორიაზე გადასულიყვნენ. მოგვიანებით ცნობილი გახდა, რომ რუსეთი ამ დასახლებიდან "დევნილებს" ერთჯერადად 10 000 რუბლს გადაუხდის.

უკრაინის საგარეო საქმეთა სამინისტრო აცხადებს, რომ სიმართლეს არ შეესაბამება გავრცელებული ცნობები, დონეცკსა და ლუგანსკზე შეტევის შესახებ. მათივე თქმით, სიცრუეა ისიც, რომ დონბასში დივერსია იგეგმება.