როგორც ჯორჯიან უოთერ ენდ ფაუერის ტექნიკური დირექტორმა, ზურაბ ალფაიძემ განაცხადა, წყალმომარაგების ინფრასტრუქტურას მუდმივად განახლება და განვითარება სჭირდება. ამ მიმართულებით, 2021 წელს კომპანიამ დედაქალაქის ყველა რაიონში 70 პროექტი განახორციელა.

"სარეაბილიტაციო პროექტების ფარგლებში სრულად განახლდა, როგორც წყალსადენის ასევე წყალარინების ქსელები. წყალმომარაგების მოძველებული სისტემა მანჯგალაძის, ლეო და ნოდარ გაბუნიების, კალანდაძის, განთიადის, რაზიკაშვილის, ერეკლე მეფის და სხვა ქუჩებზე განახლდა. შეიცვალა მაგისტრალური ქსელები და დამონტაჟდა თანამედროვე ინფრასტრუქტურა. შედეგად, აღნიშნულ და მიმდებარე ქუჩებზე მომხმარებლების წყალმომარაგება მნიშვნელოვნად გაუმჯობესდა", — განაცხადა ზურაბ ალფაიძემ.

მისივე თქმით, 2022 წელს ჯივიპი დედაქალაქის ყველა რაიონში მნიშვნელოვანი სამუშაოების განხორციელებასა და წყალმომარაგების სისტემის განახლება-განვითარებისთვის ინვესტირებას განაგრძობს.