სომხეთის პრემიერმინისტრმა ნიკოლ ფაშინიანმა, SOCAR-ის ნავთობპროდუქტების პირველი პარტიის აზერბაიჯანიდან სომხეთში გადაზიდვაზე კომენტარის გაკეთებისას განაცხადა, რომ საქართველოს რკინიგზის ტარიფებთან დაკავშირებით გარკვეული პრობლემები აქვთ.

სომხეთის პრემიერმინისტრმა საქართველო გააფრთხილა, რომ თუ ნორმალური ტარიფები არ იქნება, აზერბაიჯანი და სომხეთი ალტერნატიულ მარშრუტებს იპოვიან.

"ვიმედოვნებ, რომ ან ეს საკითხები მოგვარდება, ან ეკონომიკური სუბიექტები ალტერნატიულ იმპორტისა და ექსპორტის მარშრუტებს იპოვიან", — თქვა ფაშინიანმა.

აზერბაიჯანული ნავთობპროდუქტების პირველი პარტია სომხეთში 18 დეკემბერს ბილიაჯარის სადგურიდან დაიძრა.

Report-ის ცნობით, 1220 ტონა AI-95 საავტომობილო ბენზინი, რომელიც 22 ვაგონში იყო ჩატვირთული და საქართველოს გავლით აზერბაიჯანში გაიგზავნა.

უნდა აღინიშნოს, რომ ამ მიმართულებით გადაზიდვები გაგრძელდა მას შემდეგ, რაც აზერბაიჯანის პრეზიდენტმა ილჰამ ალიევმა მიმდინარე წლის ოქტომბერში მიიღო გადაწყვეტილება, მოეხსნა სომხეთში ტვირთების ტრანზიტზე დაწესებული შეზღუდვები, რომლებიც აზერბაიჯანის მიწების ოკუპაციის შემდეგ მოქმედებდა.