4 დეკემბერს, გაერთიანებული სამეფოს ლორდთა პალატის წევრმა, ჯორჯ ფოლკსმა ბრიტანეთის ხელისუფლებას მიმართა საპროტესტო აქციებზე დემონსტრანტების წინააღმდეგ, სავარაუდო ქიმიური ნივთიერების გამოყენებასთან დაკავშირებით საქართველოს მთავრობის წევრები დასანქცირდნენ.

"მინდა, მთავრობას ვკითხო, გეგმავენ თუ არა სანქციების დაწესებას საქართველოს მაღალი თანამდებობის პირების მიმართ "ქიმიური იარაღის 2019 წლის რეგულაციების" შესაბამისად, მას შემდეგ, რაც გავრცელდა ინფორმაცია, რომ საქართველოს მთავრობამ აკრძალული ქიმიური ნივთიერებები გამოიყენა 2024 წლის ნოემბერსა და დეკემბერში საპროტესტო აქციების დასაშლელად," — განაცხადა ფოლკსმა.

ფოლსკის საპასუხოდ, ლორდთა პალატის წევრმა და გაერთიანებული სამეფოს სახელმწიფო განვითარების მინისტრმა, ჯენი ჩეპმენმა ოცნების ხელისუფლებას მოუწოდა, BBC-ის სტატიასთან დაკავშირებით თავიანთი გამოძიების შედეგები გაასაჯაროონ და სამართლებრივ პასუხისმგებლობაში მიეცეს პირები, რომლებიც დემონსტრანტების წინააღმდეგ გადამეტებულ ძალას იყენებდნენ.

"მოვუწოდებთ საქართველოს მთავრობას გაასაჯაროოს თავიანთი გამოძიების შედეგები BBC-ის სტატიასთან დაკავშირებით, დაიცვას შეკრების თავისუფლების უფლება და პასუხისგებაში მისცეს ის პირები, რომლებიც მომიტინგეების წინააღმდეგ გადამეტებულ ძალას იყენებდნენ," — განაცხადა ჩეპმენმა.