ევროკავშირმა, როგორც მეურვისგან მიტოვებულმა არასრულწლოვანმა, რატომღაც ჩათვალა, რომ უნდა იკაცოს და თავად გახდეს მსოფლიო პოლიციელი, — ამის შესახებ ოცნების პარლამენტის თავმჯდომარემ, შალვა პაპუაშვილმა ბრიფინგზე თქვა. მისივე თქმით, ევროკავშირს "საბედნიეროდ არ ჰყოფნის კვალიფიკაცია".

"ზოგადად, ევროკავშირის საგარეო პოლიტიკის ესტონიზაცია ამასაც გულისხმობს იმასაც, რომ ინსტრუმენტად არის გამოყენებული ევროინტეგრაციის და უვიზო მიმოსვლის პროცესი. ანუ არის არა პროცედურების საკითხი, არა ხალხების დაახლოების საკითხი, არამედ გამოყენებულია ძალიან ცივსისხლიანად, როგორც პოლიტიკური იარაღი სხვა ქვეყნების მიმართ. ასე რომ, ამ ფარგლებში რაიმეს გამორიცხვა რთულია. მითუმეტეს, რომ გვესმის საუბრები, რომ სურვილია, გარკვეული შეზღუდვები იყოს. მათ შორის, გამოყონ ცალკეული ჯგუფი ადამიანების, რომლებსაც მიგვაწებებენ იარლიყს და ასე სეგრეგაცია ჩაატარონ, ასე ვთქვათ. საუბარია, რომ თანამდებობის პირებს, თუ მოხელეების ჯგუფს ჰქონდეს ვიზის აღების ვალდებულება და სხვას არ ჰქონდეს. ამას სამართლებრივად ჰქვია სეგრეგაცია, როცა სახელმწიფოში ჯგუფებად ჰყოფ ხალხს, ავტობუსში უკან დასვამ, რომელიღაც რესტორანში არ შეუშვებ, შენ ქვეყანაში ერთ ჯგუფს შეუშვებ მეორეს არა — ამას ჰქვია სეგრეგაცია. ესეც გამოვლილი აქვს ევროპას 100 წლის წინ, ასე რომ თუ უნდა ამ გზას დაადგეს, რაღაც ლოგიკური ამაში შეიძლება იყოს, ვხედავთ რა ტენდენციებს, რომ ყოველგვარი სასამართლოს და მართლმსაჯულების გარეშე საერთაშორისო დამნაშავეების იარლიყებს აწებებენ ადამიანებს, სასანქციო პოლიტიკას ვგულისხმობ. ეს არის სწორედ, როცა ვამბობთ, რომ ბრიუსელს ევროკავშირი მიჰყავს პოლიტიკური უფსკრულისკენ.

ნუ ვეძებთ ლოგიკას და სამართლიანს ბრიუსელის გადაწყვეტილებაში. ბრიუსელი მოქმედებს არა გონივრულობის და სამართლიანობის პრინციპიდან გამომდინარე, არამედ პოლიტიკური დღის წესრიგით.

[...] ევროკავშირმა, როგორც მეურვისგან მიტოვებულმა არასრულწლოვანმა, რატომღაც ჩათვალა, რომ უნდა იკაცოს და თავად გახდეს მსოფლიო პოლიციელი. მაგრამ არ ჰყოფნის არც კვალიფიკაცია ამის, საბედნიეროდ, და დიდ ზიანს ვერ აყენებს ქართველ ხალხს, რომელმაც ყველაფერი უკვე ძალიან კარგად გაიგო, თუ რა განზრახვები აქვს ზოგიერთს ბრიუსელში საქართველოს მიმართ", — თქვა შალვა პაპუაშვილმა ბროფინგზე.