ამერიკის შეერთებული შტატების პრეზიდენტმა, დონალდ ტრამპმა იმ ქვეყნების სია გააფართოვა, რომელთა მიმართაც სრული სამოგზაურო აკრძალვა მოქმედებს. მან ასევე ამერიკის შეერთებულ შტატებში შესვლა აუკრძალა დამატებით კიდევ შვიდი ქვეყნის მოქალაქეებს, მათ შორის სირიას. ამის შესახებ ინფორმაციას Reuters ავრცელებს.

თეთრმა სახლმა გავრცელებულ განცხადებაში აღნიშნა, რომ ტრამპმა ხელი მოაწერა პროკლამაციას, რომელიც "აფართოებს და ამკაცრებს ამერიკაში შესვლის შეზღუდვებს იმ ქვეყნების მოქალაქეებისთვის, რომლებსაც აქვთ დადასტურებული, სისტემური და მძიმე ხარვეზები შემოწმების, გადამოწმებისა და ინფორმაციის გაზიარების პროცესებში, რათა ეროვნული უსაფრთხოებისა და საზოგადოებრივი უსაფრთხოებისთვის შექმნილი საფრთხეებისგან ერი დაცული იყოს".

აღნიშნული გადაწყვეტილებით აიკრძალა ბურკინა-ფასოს, მალის, ნიგერიის, სამხრეთ სუდანის, სირიის მოქალაქეების, ასევე იმ პირების შესვლა, რომლებიც ფლობენ პალესტინის ავტონომიის მიერ გაცემულ სამოგზაურო დოკუმენტებს. ამ ქმედებით ასევე დაწესდა სრული აკრძალვა ლაოსისა და სიერა-ლეონეს მიმართ, რომლებიც მანამდე მხოლოდ ნაწილობრივ შეზღუდვებს ექვემდებარებოდნენ.

თეთრი სახლის განცხადებით, გაფართოებული აკრძალვა ძალაში 1-ელი იანვრიდან შევა.