აშშ საემიგრაციო პროგრამას, მწვანე ბარათის ლატარიას აჩერებს. აშშ-ის შიდა უსაფრთხოების მინისტრის, კრისტი ნოემმის განცახდებით, აღნიშნული ბრძანება დონალდ ტრამპის მითითებით გასცა.

The Guardians-ის ინფორმაციით, დონალდ ტრამპის ეს გადაწყვეტილება ბრაუნისა და მასაჩუსეტსის უნივერსიტეტებში მომხდარ სროლებს უკავშრდება, რადგან ამ ინცინდეტების მონაწილეებს აშშ-ში ჩამოსვლის უფლება სწორედ "მწვანე ბარათებით" მიეცათ.

გამოძიებით დადგინდა, რომ ბრაუნის უნივერსიტეტში მომხადარ სროლაში პორტუგალიელმა თავდამსხმელმა ნევეს ვალენტემ 2017 წელს "მწვანე ბარათის" ლატარიით ამერიკის მოქალაქეობა მიიღო.

"ამ საზარელ პიროვნებას არასდროს არ უნდა ჰქონოდა უფლება ჩვენს ქვეყანაში შემოსულიყო," — წერს კრისტი ნოემი X-ზე.

ნოემის განცახდებით, დონალდ ტრამპი პირველი პრეზიდენტობის ვადაშიც იბრძოდა მწვანე ბარათის ლატარიას შეჩერებისთვის. 2017 წელს ISIS-ის ტერორისტი ნიუ-იორკში სატვირთო მანქანით ხალხში შევარდა, რის შედეგადაც 8 ადამიანი გარდაიცვალა — თავდამსხმელიც მწვანე ბარათის ლატარიის გამარჯვებული იყო.

"პრეზიდენტ ტრამპის მითითებით, მე დაუყოვნებლივ ვავალებ USCIS-ს, დროებით შეაჩეროს DV1 პროგრამა, რათა ამ კატასტროფულმა პროგრამამ ვეღარ დააზიანოს კიდევ მეტი ამერიკელი," — წერს კრისტი ნოემი.

DV1 ვიზის პროგრამა ყოველწლიურად ლატარიის წესით 50 000-მდე "მწვანე ბარათს" გასცემს იმ ქვეყნების მოქალაქეებისთვის, რომლებშიც აშშ-ში მიგრაციის დონე დაბალია — მათ შორის არიან მრავალი აფრიკის ქვეყნები.

2025 წლის ვიზის ლატარიაში მონაწილეობისთვის თითქმის 20 მილიონმა ადამიანმა შეიტანა განაცხადი. გამარჯვებულთა რაოდენობამ, ოჯახების ჩათვლით, 131 000-ზე მეტი შეადგინა. გამარჯვების შემდეგ, აშშ-ში შესვლის უფლების მისაღებად მათ დეტალური შემოწმების პროცედურა უნდა გაიარონ.