სტრასბურგის ადამიანის უფლებათა ევროპულმა სასამართლომ დაადგინა, რომ Facebook-ის მომხმარებელი მის გვერდზე სხვა ადამიანების მიერ დატოვებულ სიძულვილის ენის შემცველ კომენტარებზე თავად არის პასუხისმგებელი. ადამიანის უფლებათა ევროპულმა სასამართლოს 2 სექტემბრის გადაწყვეტილებით, სოციალური ქსელების მომხმარებელს შესაძლოა მის გვერდზე სხვა ადმიანების მიერ დატოვებულ კომენტარებზე პასუხისმგებლობაც დაეკისროს.

ევროსასამართლოს გადაწყვეტილებას საფუძვლად 2011 წელს ქალაქ ბოკერის ადგილობრივი მუნიციპალიტეტის მერის არჩევნების დაედო, როდესაც მოქმედმა მერმა პოლიტიკური ოპონენტის წინააღდეგ ფეისბუქის საკუთარ გვერდზე პოსტი გამოაქვეყნა. Facebook სტატუსის ქვეშ სანჩესის მხარდამჭერები ქალაქის მუსლიმ მოსახლეობას სიძულვილის შემცველ კომენტარებს უწერდნენ. შეურაცხმყოფელი კომენტარების გამო პოლიტიკოსს სასამართლოში უჩივლეს.

აღნიშნულ Facebook პოსტზე დატოვებული კომენტარების გამო ადგილობრივმა სასამართლომ ჟიულიენ სანჩესი ეთნიკურ, რელიგიურ და რასობრივ ნიადაგზე კონფლიქტის გაღვივებაში დაადანაშაულა და 4 000 ევროს გადახდა დააკისრა. ამის შემდეგ სანჩესმა საქმე სხვა ინსტანციის სასამართლოებში წაიღო და საბოლოოდ ევროპის ადამიანის უფლებათა სასამართლოს მიმართა, თუმცა სტრასბურგის სასამართლო სხვა ინსტანციების მიერ გამოტანილი განაჩენს დაეთანხმა.