განახლება: სამხრეთაფრიკელ ქალს 10 ტყუპი არ გაუჩენია — გამოძიების შედეგები

სამხრეთაფრიკელმა ქალმა, გოშამე თამარა სითოულმა, სავარაუდოდ ახალი მსოფლიო რეკორდი მოხსნა, როდესაც ერთდროულად 10 ბავშვი გააჩინა. დედაც და პატარებიც თავს კარგად გრძნობენ.

ქმარი აცხადებს, რომ გაოცებულები დარჩნენ, რადგან ექოსკოპიის შედეგებით მხოლოდ 8 შვილს ელოდნენ.

"7 ბიჭი და 3 გოგო. ბედნიერი ვარ, გული მაქვს აჩუყებული, საუბარიც კი მიჭირს", — განაცხადა მამამ, ტიბოჰო სოტეტსიმ. წყვილს ასევე ტყუპები ჰყავს, რომელიც 6 წლისანი არიან.

37 წლის ქალმა 10 ბავშვი საკეისრო კვეთით გააჩინა. პატარები 7 თვეზე ნაკლების არიან. 10 ტყუპი უიშვიათესი შემთხვევაა და მშობიარობას, ხანდახან, გართულებები მოჰყვება.

ფოტო: AFRICAN NEWS AGENCY (ANA)

1 თვის წინ მიცემულ ინტერვიუში დედა ამბობდა, რომ ორსულობა მისთვის დასაწყისიდანვე არ ყოფილა მარტივი. ის დარდობდა, რა მოხდებოდა მომავალში:

"როგორ დაეტევიან ბავშვები ჩემს საშვილოსნოში? გადარჩებიან?" — ამ კითხვებზე ექიმები დამაიმედებელ პასუხებს აძლევდნენ.

ამასთან ერთად, ის ფეხების ტკივილს უჩიოდა, ექიმები კი ეუბნებოდნენ, რომ 8 ნაყოფიდან 2-ის მდებარეობა სარისკო იყო, რაც მოგვიანებით გამოსწორდა.

გინესის მსოფლიო რეკორდების ორგანიზაცია აცხადებს, რომ შემთხვევას სწავლობენ. ერთი მშობიარობისას გაჩენილი და გადარჩენილი ყველაზე ბევრი ბავშვის რეკორდს ამ ეტაპზე ამერიკელი დედა ფლობს, რომელმაც 2009 წელს 8 შვილი გააჩინა. გასულ თვეში 9 ბავშვი გააჩინა მალელმა ქალმაც, ისინი ამ დრომდე მოროკოს საავადმყოფოში არიან.

3 ტყუპზე მეტი შვილის გაჩენა ერთი ორსულობით იშვიათი შემთხვევაა და უმეტესად, ხელოვნური განაყოფიერებით მიიღწევა. თუმცა, სამხრეთაფრიკელი წყვილი ამბობს, რომ ბუნებრივი გზით დაორსულდა.