"ეს არის ჩვენი სპეცსამსახურების და უსაფრთხოების სტრუქტურის მთლიანი მოშლა" - ასე ეხმაურება ერთიანი ნაციონალური მოძრაობის წევრი, ზურაბ ჭიაბერაშვილი ხურჩაში მომხდარ მკვლელობას. მისი თქმით, მომხდარი ყოფილი პრემიერის, ბიძინა ივანიშვილის მიერ რუსეთთან დათბობის პოლიტიკის შედეგია, რომელიც საქართველოს რუსეთისადმი მონურ მორჩილებას ნიშნავს.

ჭიაბერაშვილი ასევე განმარტავს, რომ ყველა ის ადამიანი, რომელიც მსგავსი ქმედებების აღკვეთით იყო დაკავებული, ციხეში ზის მაშინ, როდესაც ივანიშილმა ციხიდან ის ადამიანები გამოუშვა, რომლებიც ასეთ მკვლელობებში იყვნენ გარეული:

"და მესამე და მთავარი: ასეთ ქმედებებზე დღეს რუსეთი დიპლომატიურ საერთაშორისო ფრონტზე ფასს არ იხდის".

19 მაისს, დაახლოებით 14:30 საათზე ზუგდიდის რაიონის სოფელ ხურჩაში, საოკუპაციო ხაზის მიმდებარედ, გალის რაიონის სოფელ ბარღების მკვიდრი გიგა ოთხოზორია მოკლეს.