საგარეო საქმეთა მინისტრი, მიხეილ ჯანელიძე ხურჩაში მომხდარ მკვლელობას ეხმაურება და განმარტავს, რომ ყველა საერთაშორისო ორგანიზაცია, რომელიც კონფლიქტების მოგვარებაზე მუშაობს, უკვე ინფორმირებულია მომხდართან დაკავშირებით.

მისი თქმით, საქართველოს მთავრობა გააკეთებს ყველაფერს იმისთვის, რომ აღნიშნულ მკვლელობას მიეცეს შესაბამისი შეფასება და შესაბამისი სამართლებრივი რეაგირების შედეგად, ყველა დამნაშავე დაისაჯოს:

"ევროკავშირის მონიტორინგის მისია თავიდანვე ჩავრთეთ ამ პროცესში. ასევე ჩავრთეთ ყველა საერთაშორისო ფორმატი და ამ პროცესს მივიყვანთ ბოლომდე იმისთვის, რომ შესაბამისი შეფასება და რეაგირება მოჰყვეს ამ ფაქტს".

19 მაისს, დაახლოებით 14:30 საათზე ზუგდიდის რაიონის სოფელ ხურჩაში, საოკუპაციო ხაზის მიმდებარედ, გალის რაიონის სოფელ ბარღების მკვიდრი გიგა ოთხოზორია მოკლეს.