საქართველოს ძიუდოისტმა ნაკრებმა გრან სლემების ისტორიაში ნაკრებისთვის რეკორდული, 8 მედალი მოიპოვა. ინფორმაციას ძიუდოს ფედერაცია ავრცელებს.

მათი განცხადებით, თელ-ავივის გრან სლემზე ვაჟთა შორის 2 ოქროს, 1 ვერცხლის და 4 ბრინჯაოს მედალი მოვიპოვეთ და გუნდური პირველი ადგილი დავიკავეთ. ასევე, ქართული ქალთა ძიუდოს ისტორიაში გრან სლემზე პირველი მედალი მოვიპოვეთ.

შედეგები ასეთია:

  • გელა ზაალიშვილი გამარჯვებული გახდა;
  • ლაშა ბექაური გამარჯვებული გახდა;
  • თემურ ნოზაძე ვერცხლის მედალოსანი გახდა;
  • გურამ თუშიშვილმა ბრინჯაოს მედალი მოიპოვა;
  • ილია სულამანიძემ ბრინჯაოს მედალი მოიპოვა;
  • ბექა ღვინიაშვილმა ბრინჯაოს მედალი მოიპოვა;
  • ნუგზარ ტატალაშვილმა ბრინჯაოს მედალი მოიპოვა;
  • ეთერ ლიპარტელიანმა ბრინჯაოს მედალი მოიპოვა.