აშშ-ს სახელმწიფო მდივანი ჯორჯ შულცი, რომელიც პრეზიდენტ რონალდ რეიგანის პერიოდში ცივი ომის დასასრულის სათავეში იდგა, 100 წლის ასაკში გარდაიცვალა.

რესპუბლიკელი პრეზიდენტების პერიოდში შულცი ჯერ კიდევ დუაიტ ეიზენჰაუერის დროიდან სხვადასხვა თანამდებობაზე მუშაობდა. სახელმწიფო მდივანი ის 1982 წელს დაინიშნა და შვიდი წელი იმსახურა.

სწორედ ჯორჯ შულცთან ერთად დაესწრო რონალდ რეიგანი რეიკიავიკის ისტორიულ სამიტს, სადაც ისინი საბჭოთა კავშირის ლიდერს, მიხეილ გორბაჩოვსა და ახალდანიშნულ საგარეო საქმეთა მინისტრს, ედუარდ შევარდნაძეს შეხვდნენ. ჯორჯ შულცი განსაკუთრებული პრაგმატიზმით გამოირჩეოდა. 80-იანებში მან დიდი როლი ითამაშა, რომ სსრკ-სა და აშშ-ს შორის დაძაბულობა შემცირებულიყო.

სახელმწიფო მდივნის პოსტი მან 1989 წელს დატოვა, თუმცა წლების განმავლობაში კვლავ წერდა და აქვეყნებდა თავის მოსაზრებებს სხვადსხვა შიდა და საერთაშორისო საკითხზე.