სახელმწიფო უსაფრთხოების სამსახურის ცნობით, 2017 წლის 3 თებერვალს ოკუპირებული ცხინვალის ე.წ. სასამართლომ საქართველოს მოქალაქეს, გიორგი გიუნაშვილს 20 წლით თავისუფლების აღკვეთა მიუსაჯა.

სუს-ის შეფასებით, ე.წ. სასამართლოს გადაწყვეტილება, ისევე როგორც გიუნაშვილის მიმართ წაყენებული ბრალდებები, არის გამოგონილი და ყოველგვარ ლეგიტიმურ საფუძველს მოკლებული.

სუს-ის ცნობით, უწყებამ გიუნაშვილის საქმის დეტალები უკვე მიაწოდა ყველა სახელმწიფო უწყებას, რათა აღნიშნულთან დაკავშირებით მოხდეს საერთაშორისო თანამეგობრობის ინფორმირება.

გიორგი გიუნაშვილი ცხინვალის რეგიონში 8 ივნისს ე.წ. საზღვრის უკანონო კვეთის ბრალდებით დააკავეს.