მსახიობ ტანია რობერტსის გარდაცვალების ცნობა CNN-მა და სხვა მედიასაშუალებებმა გაავრცელეს. ინფორმაციის წყარო მაიკ პინგელი, მსახიობის პუბლიცისტი იყო. პინგელის თქმით, რობერტსის პარტნიორმა, ლენს ო'ბრაიენმა კვირას აცნობა მსახიობის გარდაცვალების შესახებ.

როგორც ო'ბრაიენმა CNN-ს უთხრა, მსახიობთან გამომშვიდობების შემდეგ განადგურებული იყო, რადგან ფიქრობდა, რომ კლინიკის საწოლთან ნათქვამი გამოსათხოვარი სიტყვები ტანიას უკანასკნელი მოგონება იქნებოდა. ორშაბათ დილით, ო'ბრაიენს აცნობეს, რომ მსახიობი ცოცხალი იყო.

რობერტსი კლინიკაში 24 დეკემბერს გადაიყვანეს, მას შემდეგ, რაც ძაღლებთან ერთად სეირნობისას გონება დაკარგა. მსახიობის პუბლიცისტისა და პარტნიორის თქმით, მისი მდგომარეობა კრიტიკულია და სუნთქვის პრობლემები აქვს, თუმცა მისი მდგომარეობა კორონავირუსთან არაა დაკავშირებული.

ნახეთ მისი შეყვარებულის რეაქცია, როდესაც შუა ინტერვიუს დროს უთხრეს, რომ ტანია ცოცხალი იყო.

რობერტსის კარიერა 30 წელზე მეტს ითვლის. ის ყველაზე ცნობილი ე.წ. ბონდის გოგოს როლით არის.