1930-იან წლებში, იაპონიაში, ტოკიოს უნივერსიტეტის აგრონომიის პროფესორ ჰიდესაბურო უენოსთან ერთად ცხოვრობდა აკიტას ჯიშის ძაღლი, სახელად ჰაჩიკო. ყოველ დილით, ჰაჩიკო უენოს სამსახურში მიჰყვებოდა, ელოდებოდა ლექციების დასრულებას და შემდეგ ორივე კვლავ ერთად ბრუნდებოდა სახლში. ძაღლების ერთგული ბუნება კი კარგად ცნობილია, თუმცა სანამ ინტერნეტსივრცე საყვარელი ბეწვიანი არსებების ფოტოებით გადაივსებოდა, ჰაჩიკომ ადვილად მოიპოვა პოპულარობა ორფეხა მეგობრისადმი თავისი უსაზღვრო თავდადებითა და სიყვარულით.

პატრონის მოლოდინში რომ ჰაჩიკოს არ მოეწყინა, ადგილობრივებმა მისთვის სასუსნავების მიცემა დაიწყეს და მალე იგი უბნის ყველაზე ცნობილი ძაღლი გახდა.

უენომ ჰაჩიკო ჯერ კიდევ მაშინ აიყვანა, როცა იგი ლეკვი იყო, ამდენად, გასაკვირი არაა, რომ პატრონსა და ძაღლს შორის განსაკუთრებული კავშირი იყო. ეს კავშირი აშკარა გახდა, როცა ჰაჩიკო პატრონის გარეშე დარჩა.

1925 წლის 21 მაისს, უენო ლექციის დროს ცუდად გახდა და თითქმის მაშინვე გარდაიცვალა. ჰაჩიკო კი იცდიდა იმ იმედით, რომ, საბოლოოდ, მაინც გამოვიდოდა მისი პატრონი და სახლში კვლავინდებურად ერთად დაბრუნდებოდნენ. ერთგული ძაღლი ამას ყოველდღე, დარსა თუ ავდარში აკეთებდა. ამოტვიფრული ტყავის საყელურით და კუშტი გამომეტყველებით ქუჩაში ჰაჩიკო არავის აერეოდა სხვა ძაღლში.

ბევრი ძაღლისთვის, შესაძლოა, ნებისყოფას ემტყუნა და, საბოლოოდ, იმედგადაწურული დანებებულიყო, თუმცა ჰაჩიკოს იმდენად სურდა პატრონის კვლავ ხილვა, ქცევა არ მოუშლია და მალე უბნის ყოველდღიურობის კოლორიტულ წევრად იქცა. თითქმის მთელი ათწლეულის განმავლობაში, ჰაჩიკო მოთმინებით ელოდა უენოს მატარებლის სადგურზე, სანამ 1935 წლის 8 მარტს მისი ნების საწინააღმდეგოდ არ მოუხდა დანებება — იგი დაიღუპა. უენოს გარდაცვალებისას ჰაჩიკო მხოლოდ წლინახევრის იყო, თუმცა ერთგულ მეგობარს პატრონი არასდროს დავიწყებია.

ჰაჩიკოს სიკვდილის დღე.

ფოტო: Wiki

ჰაჩიკოს სიკვდილის წლისთავზე ადგილობრივი მცხოვრებები მის მემორიალთან წვიმიან ამინდში დგანან.

ფოტო: Wiki

სამეზობლოს მცხოვრებები ჰაჩიკოს სიკვდილის დღეს გულამოსკვნით ტიროდნენ; მისი სხეული ნოხში გაახვიეს და ადგილობრივ მუზეუმში ფიტულად გადაყვანამდე ეალერსებოდნენ. ამდენად, ძაღლის სხეულის ნახვად დღესაც შეიძლება ტოკიოს მეცნიერებათა მუზეუმში.

იაპონურმა პრესამ ერთგულების საარაკო ამბავი აიტაცა და მალევე ოქროსგულიანი ოქროსფერი აკიტას ძეგლი აღიმართა. 2015 წელს კი ჰაჩიკოს კიდევ ერთი გულის ამაჩუყებელი ძეგლი დაიდგა, ამჯერად მის პროფესორ უენოსთან ერთად, რომელსაც ერთგული ოთხფეხა მეგობარი აღტაცებული ეგებება.