1900-იანი წლების დასაწყისში არქტიკის ყინულოვანი საფარი ბუნების ერთ-ერთ ყველაზე იდუმალ და ჯერ კიდევ აღმოუჩენელ საოცრებას წარმოადგენდა, თუმცა ბოლო ასი წლის განმავლობაში აქ მიმდინარე კვლევითი საქმიანობის და მოგვიანებით — მისი ექსპლუატაციის — შემდეგ, ყინულოვანი საფარი შესამჩნევად შემცირდა და არქტიკა გლობალური დათბობის შედეგების ყველაზე თვალსაჩინო მაგალითი გახდა.

შვედმა ფოტოჟურნალისტმა და Greenpeace-ის თანამშრომელმა, კრისტიან ოსლუნდმა, ნორვეგიის პოლარული ინსტიტუტის არქივში დაცული სვალბარდის არქიპელაგის ისტორიული ფოტოები მოიპოვა და 2002 წელს მის მიერ გადაღებული ფოტოების გვერდით მოათავსა. ერთი და იმავე ადგილის ფოტოები, რომელზეც არქტიკის ასწლიანი ცვლილებაა ასახული, დაუჯერებელი სანახავია.

ოსლუნდის ფოტოპროექტი National Geographic-ის კამპანიის, #MyClimateAction, ნაწილია, რომელიც მიზნად ისახავს კლიმატის ცვლილებებზე ღიად საუბარს და ნორვეგიული ნავთობმომპოვებელი კომპანიებისთვის მოწოდებას, რომ შეწყვიტონ არქტიკულ რეგიონში ბურღვა და სიტუაციის უფრო გამწვავება.

მას შემდეგ, რაც სტატიაში წარმოდგენილ ფოტოებს იხილავთ, სურვილის შემთხვევაში, შეგიძლიათ, ხელი მოაწეროთ პეტიციას გადაარჩინე არქტიკა, რათა ამ რეგიონში მიმდინარე სამუშაოებით გამოწვეული სავალალო შედეგები თავიდან იქნას აცილებული.

ფოტო 1: Norwegian Polar Institute / ფოტო 2: Christian Åslund

ფოტო 1: Norwegian Polar Institute / ფოტო 2: Christian Åslund

ფოტო 1: Norwegian Polar Institute / ფოტო 2: Christian Åslund

ფოტო 1: Norwegian Polar Institute / ფოტო 2: Christian Åslund

ფოტო 1: Norwegian Polar Institute / ფოტო 2: Christian Åslund

ფოტო 1: Norwegian Polar Institute / ფოტო 2: Christian Åslund

ფოტო 1: Norwegian Polar Institute / ფოტო 2: Christian Åslund