აჭარის მთავრობის ყოფილი თავმჯდომარე და ნაციონალური მოძრაობის პოლიტიკური საბჭოს წევრი ლევან ვარშალომიძე ძალა ერთობაშიას ბათუმის მაჟორიტარობის კანდიდატია. ამის შესახებ ზაალ უდუმაშვილმა რეგიონებში მაჟორიტარების კანდიდატების წარდგენისას განაცხადა.

ერთიანმა ნაციონალური მოძრაობისა და გაერთიანებულმა ოპოზიცია — ძალა ერთობაშიას კანდიდატებს შორის არიან პარტიის ძველი და ახალი სახეები, მაგრამ არიან რესპუბლიკური პარტიის წარმომადგენლები, რომლებიც გაერთიანებულ ოპოზიციას რამდენიმე დღის წინ შეუერთდნენ.

მათ მაჟორიტარები 25 მაჟორიტარულ ოლქში წარადგინეს.

თბილისი:

  • გლდანი — ნიკა მელია;
  • ისანი — ხატია დეკანოიძე;
  • სამგორი — ლევან ხაბეიშვილი;

რეგიონები:

  • ქუთაისი — გრიგოლ ვაშაძე;
  • გურჯაანი, სიღნაღი, დედოფლისწყარო და საგარეჯო — ლევან ბეჟაშვილი;
  • თელავი, ახმეტა, ყვარელი და ლაგოდეხი — გიორგი ბოტკოველი;
  • რუსთავი და გარდაბნის სოფლები — დავით კირკიტაძე;
  • მარნეული და გარდაბანი — აზერ სულეიმანოვი;
  • გორი და კასპი — ბადრი ბასილაშვილი;
  • ხაშური, ქარელი, გორი — ნატო ჩხეიძე;
  • ახალციხე, ადიგენი, ასპინძა, ბორჯომი — ვაჟა ჩიტაშვილი;
  • ახალქალაქი და ნინოწმინდა — მელიქ რაისიანი;
  • საჩხერე, ჭიათურა, ხარაგაული — გიორგი კაპანაძე;
  • ზესტაფონი, ბაღდათი თერჯოლა, ტყიბული — კახა გეწაძე;
  • წყალტუბო, სამტრედია, ვანი, ხონი — ნანუკა ჟორჟოლიანი;
  • მარტვილი, აბაშა, ჩხოროწყუ, წალენჯიხა— როლანდ ფიფია;
  • ფოთი, სენაკი, ხობი — მურთაზ ზოდელავა;
  • ზუგდიდი — მალხაზ ჯალაღონია;
  • ბათუმი — ლევან ვარშალომიძე;
  • ქობულეთი — ბონდო თევდორაძე;
  • ხელვაჩაური, ხულო, ქედა, შუახევი — მიშა ბოლქვაძე;
  • დმანისი, წალკა, ბოლნისი, თეთრიწყარო — კახა ოქრიაშვილი;
  • თიანეთი, მცხეთა, დუშეთი, ყაზბეგი — ცეზარ ჩოჩელი;
  • ონი, ამბროლაური, ცაგერი, ლენტეხი, მესტია — დილარ ხაბულიანი;
  • გურია — მანუჩარ კვირკველია.

აჭარის უმაღლესი საბჭო:

  • ხელვაჩაური, ხულო, ქედა, შუახევი — გია აბულაძე;
  • ქობულეთი — ელგუჯა ბაგრატიონი;
  • ბათუმი — გიორგი კირთაძე.

მას შემდეგ, რაც მმართველი გუნდის ლიდერმა, ბიძინა ივანიშვილმა პირობა არ შეასრულა და პროპორციული საარჩევნო სისტემის კანონპროექტი ჩავარდა, ოპოზიცია ბოიკოტის რეჟიმში გადავიდა. საპროტესტო აქციების, პარლამენტის პიკეტირებების, აქციების დაშლისა და ფასილიტატორი ელჩების ჩართვის შემდეგ, ოპოზიცია და მმართველი გუნდი ახალ "თითქმის პროპორციულ" საარჩევნო სისტემაზე შეთანხმდა, რომლის მიხედვითაც პარლამენტში საარჩევნო სიით 120 დეპუტატი შევა, 30-ს კი მაჟორიტარულ ოლქებში აირჩევენ.

საპარლამენტო არჩევნები 2020 წლის ოქტომბერში სწორედ ამ სისტემით ჩატარდება.