საგამოძიებო ჟურნალისტების საერთაშორისო კონსორციუმმა (ICIJ) გამოაქვეყნა დოკუმენტები, რომელიც აჩვენებს, თუ როგორ მიმდინარეობდა გადარიცხვები მსოფლიოს უმსხვილეს ბანკებს შორის. მათი განცხადებით, ეს გადარიცხვები ფულის გათეთრების ეჭვებს აჩენს და მათ შორის სამი ქართული ბანკიც მოხვდა. დოკუმენტების მიხედვით, TBC-დან, საქართველოს ბანკიდან და პროკრედიტ ბანკიდან, საეჭვო მიზნით, არაერთი მსხვილი ტრანზაქცია განხორციელდა.

ფოტო: ICIJ

აღნიშნულ რუკაზე დაყრდნობით, TBC ბანკს 167 ტრანზაქცია აქვს განხორციელებული, რითაც მიიღო 1 012 080 მილიონი დოლარი, ხოლო გაგზავნა 17 884 899 დოლარი. საქართველოს ბანკმა მიიღო 8 042 752 დოლარი, ხოლო გაგზავნა 81 000 დოლარი. პროკრედიტ ბანკმა კი ჯამში 414 418 დოლარის თანხა გაგზავნა.

ფოტო: ICIJ

რაც შეეხება ტრანზაქციებს:

  • TBC ბანკიდან 2007 წლის 18 ოქტომბრიდან 2011 წლის 11 ოქტომბრამდე Habib ბანკის ციურიხის ფილიალში 161 ტრანზაქცია განხორციელდა. ჯამში რაოდენობამ კი 16 084 899 აშშ დოლარი შეადგინა;
  • საქართველოს ბანკიდან 2011 წლის 8 ივლისიდან 2011 წლის 26 იანვრამდე Habib ბანკის ციურიხის ფილიალში სულ 2 ტრანზაქცია განცხორციელდა. ჯამში კი მათმა გადარიცხვის რაოდენობამ 81 000 დოლარი შეადგინა;
  • JSC TBC ბანკიდან 2013 წლის 15 ნოემბრიდან 2013 წლის 15 ნოემბრამდე Uralsib ბანკში ერთი ტრანზაქცია განხორციელდა. ჯამში გადაირიცხა 2 489 აშშ დოლარი;
  • პროკრედიტ ბანკიდან 2016 წლის 2 თებერვლიდან 2016 წლის 22 მარტამდე საქართველოს ბანკის მიმართულებით 10 ტრანზაქცია შესრულდა. ჯამში 414 418 დოლარის ღირებულების.
  • Ras-ის ეროვნული ბანკიდან (გაერთიანებული ემირატები) TBC ბანკის მიმართულებით 2012 წლის 1 ოქტომბრიდან 2013 წლის 15 იანვრამდე სულ 5 ტრანზაქცია განხორციელდა. ჯამში მათი რაოდენება 1 012 080 აშშ დოლარია.
  • TBC ბანკიდან 2012 წლის 10 დეკემბრიდან 2012 წლის 10 დეკემბრამდე რუსეთის Sberbank-ში ერთი ტრანზაქცია განხორციელდა, რომლითაც 1 800 000 აშშ დოლარი გადაირიცხა.
  • Raiffeisenbank-დან საქართველოს ბანკში 2016 წლის სამი ოქტომბრიდან 2016 წლის 28 დეკემბრამდე 13 ტრანზაქცია განხორციელდა. სულ გადაირიცხა 7 628 334 აშშ დოლარი.

ჩანაწერებში შედის 2 100-ზე მეტი საეჭვო საქმიანობის ანგარიში, რომლებიც შეიტანეს ამერიკის შეერთებულ შტატებში ფინანსური დანაშაულის აღსრულების ქსელში — FinCEN. დოკუმენტები თავდაპირველად BuzzFeed News-მა გაუზიარა ICIJ-ს (საგამოძიებო ჟურნალისტების საერთაშორისო კონსორციუმს) და 108 მედიაპარტნიორს 88 ქვეყანაში.

საიტზე ნაჩვენებია ასევე ტრანზაქციების რუკა, რომელშიც მოცემულია ინფორმაცია 2000-2017 წლებში 2 ტრილიონის ოდენობის თანხის ტრანზაქციებზე, რომლებიც ფინანსური ინსტიტუტების მიერ საეჭვოდ შეფასდა.

ამ რუკაში, ასევე, მოცემულია ინფორმაცია აშშ-ში დაფუძნებული "კორესპონდენტული" ბანკების შესახებ, რომლებიც 150-ზე მეტ ქვეყანაში და ტერიტორიებზე არსებულ ფინანსურ ინსტიტუტებს საშუალებას აძლევენ, ოპერაციები აშშ დოლარში განახორციელონ.

დოკუმენტები აჩვენებს, როგორ იყენებდნენ რუსი ოლიგარქები ბანკებს, რათა თავიდან აეცილებინათ სანქციები, რომლებიც მათ მიერ დასავლეთში ფულის დაბანდების წინააღმდეგ იყო მიმართული.

On.ge ბრალდებებზე საპასუხოდ ხსენებულ ბანკებს დაუკავშირდა. TBC ბანკში განგვიცხადეს, რომ ისინი კანონის შესაბამისად ქმედებებენ და მათი ყველანაირი ტრანზაქცია კანონიერია. საქართველოს ბანკი კი ჯერჯერობით ოფიციალურ კომენტარს არ აკეებს.

On.ge ამ დრომდე ცდილობს პროკრედიტ ბანკთან დაკავშირებას.