პოლონეთის პრემიერმინისტრის, მატუეშ მორავეცკის განცხადებით, რუსეთისთვის დიალოგი, კომპრომისი და პარტნიორობა უცხო სიტყვებია. ამის შესახებ პოსტი მან სოციალურ ქსელ twitter-ზე გაავრცელა.

"საქართველო 2008, ყირიმი&დონბასი 2014, MH17, სოლსბერი 2019, ბერლინი 2019, ნავალნი 2020. რამდენი "გამაფრთხილებელი ზარი" გვჭირდება საბოლოოდ იმის გასაანალიზებლად, რომ საქმე მტრულ რეჟიმთან გვაქვს? დიალოგი, პარტნიორობა, კომპრომისი — მათთვის უცხო სიტყვებია. დროა, დასკვნები გავაკეთოთ", — წერს მორავეცკი.

კორუფციასთან ბრძოლის ფონდის ხელმძღვანელი, ალექსეი ნავალნი ომსკის საავადმყოფოში, 20 აგვისტოს მოათავსეს. გერმანელმა ექიმებმა დაადგინეს, რომ ის მოწამლულია.

2 წლის წინ სერგეი და იულია სკრიპალები, ქალაქ სოლსბერიში იგივე ნერვო-პარალეპტიკური ნივთიერებით, ე.წ "ნოვიჩოკით" მოწამლეს.

ამავე თემაზე: