კრიშტიანუ რონალდუ და ჯორჯინა როდრიგესი ცოტახნის წინ პორტუგალიაში დაქორწინდნენ. რონალდუმ ინსტაგრამზე ფოტო გამოაქვეყნა, რომელშიც მათი ხელები და საქორწინო ბეჭდები ჩანს.

ადგილობრივი მედიის ცნობით, რომელმაც ამ მოვლენას "წლის ქორწილი" უწოდა, წყვილმა 11 აგვისტოს ქალაქ კაშკაიშში იქორწინა. ცერემონიას მათი ხუთივე შვილი ესწრებოდა. ფოტოს გამოქვეყნებიდან ნახევარ საათში 3 მილიონზე მეტი მოწონება დაუგროვდა.


წყვილი უკვე 10 წელია ერთადაა. მათ ერთმანეთი მადრიდში, გუჩის მაღაზიაში გაიცნეს, სადაც ჯორჯინა მუშაობდა, რონალდუ კი მაშინ მადრიდის რეალში თამაშობდა.

ნიშნობის შესახებ წყვილმა გასული წლის 11 აგვისტოს განაცხადა. ჯორჯინამ ბეჭდის ფოტო გამოაქვეყნა და ესპანურად დაწერა: "დიახ, თანახმა ვარ. ამ და ჩემს ყველა სხვა ცხოვრებაში".

კარიერის განმავლობაში რონალდუმ თითქმის 1000 გოლი გაიტანა. სხვადასხვა დროს ის თამაშობდა მანჩესტერ იუნაიტედში, მადრიდის რეალში, იუვენტუსში, საუდის არაბეთის ალ-ნასრსა და პორტუგალიის ეროვნულ ნაკრებში. ცოტახნის წინ რონალდუმ მსოფლიო ჩემპიონატზე მეექვსედ ითამაშა. ეს რეკორდული მაჩვენებელია, რომელსაც რონალდუ მხოლოდ ლიონელ მესისთან იყოფს.