ბრიტანეთს პრემიერმინისტრის, ბორის ჯონსონის განცხადებით, რუსეთის ხელისუფლებამ უნდა გასცეს პასუხი კითხვას, რა მოუვიდა ოპოზიციონერ ალექსეი ნავალნის. მისი თქმით, ითანამშრომლებენ საერთაშორისო პარტნიორებთან, რომ უზრუნველყონ სამართლიანობის აღსრულება.

მისივე განცხადებით, აღმაშფოთებელია, რომ ნავალნის წინააღმდეგ ქიმიური იარაღი გამოიყენეს. ასე ეხმაურება ის გერმანიის მთავრობის განცხადებას იმის შესახებ, რომ ნავალნი "ნოვიჩოკით" მოწამლეს.

გერმანიის მთავრობის განცხადებით, ალექსეი ნავალნი "ნოვიჩოკით" მოწამლეს. ეს არის ქიმიური ნივთიერება, რომელიც ნერვიულ სისტემას ანადგურებს.

კორუფციასთან ბრძოლის ფონდის ხელმძღვანელი, ალექსეი ნავალნი ომსკის საავადმყოფოში, 20 აგვისტოს მოათავსეს. გერმანელმა ექიმებმა დაადგინეს, რომ ის მოწამლულია.

2 წლის წინ სერგეი და იულია სკრიპალები, ქალაქ სოლსბერიში იგივე ნერვო-პარალეპტიკური ნივთიერებით, ე.წ "ნოვიჩოკით" მოწამლეს.

გავრცელებული იყო ინფორმაციაც, რომ მომწამვლელი ნივთიერების ყველაზე დიდი კონცენტრაცია სკრიპალის საცხოვრებელი სახლის, შესასვლელი კარის სახელურზე იყო დატანილი. პოლიციის ცნობით, გაზი "ნავიჩოკი" არეული იყო გაურკვეველ სითხეში და ამგვარი მეთოდით გადაიტანეს კარის სახელურზე.