მთავრობის ადმინისტრაციაში გამართულ ბრიფინგზე საქართველოს მთავრობის მეთაურმა, ირაკლი კობახიძემ ხალხთა შორის ურთიერთობების შენარჩუნებასა და მშვიდობიანი თანაცხოვრების მნიშვნელობაზე ისაუბრა.

პრემიერმა ხაზი გაუსვა იმ გარემოებას, რომ საქართველოზა და რუსეთში უამრავი შერეული ოჯახი ცხოვრობს, ასევე დიდია ქართული დიასპორა რუსეთში და რუსული წარმოშობის მოსახლეობა საქართველოში, რის გამოც განსაკუთრებული სიფრთხილეა საჭირო.

"სიფრთხილე განსაკუთრებით მნიშვნელოვანია იმ თვალსაზრისითაც, რომ არ დაზიანდეს ხალხებს შორის არსებული კავშირები. არ უნდა დაგვავიწყდეს, რომ უამრავი შერეული ოჯახი ცხოვრობს როგორც საქართველოში, ისე რუსეთში. ასევე, რუსეთში ცხოვრობს დიდი ქართული დიასპორა, ხოლო საქართველოში — რუსული წარმოშობის არაერთი ადამიანი. ამიტომაც, როგორიც არ უნდა იყოს "დიპ სტეიტის" გეგმა, არ უნდა დავუშვათ, რომ პოლიტიკური უთანხმოებები, წარსულში დაშვებული პოლიტიკური შეცდომები თუ გლობალური ომის პარტიის მიერ საქართველოს ომში ჩართვისა და რუსეთთან მეორე ფრონტის გახსნის გეგმა ხალხთა შორის მტრობის საფუძველი გახდეს, რადგან საზოგადოებებს შორის ურთიერთობების შენარჩუნება და მშვიდობიანი თანაცხოვრება ბევრად უფრო მნიშვნელოვანია, ვიდრე ნებისმიერი პოლიტიკური კონიუნქტურა თუ არაფორმალური ოლიგარქიული ძალების კონკრეტული გეგმა კონკრეტულ სახელმწიფოებთან მიმართებაში", — თქვა კობახიძემ.