ნობელის პრემიის ლაურეატი მწერალი, სვეტლანა ალექსიევიჩი ამბობს, რომ ბელარუსში კრიზისი დასაძლევად საერთაშორისო საზოგადოების, მათ შორის რუსეთის ჩართვაც იქნება საჭირო. ამის შესახებ მან საგამოძიებო კომიტეტში დაკითხვაზე შესვლის წინ აღნიშნა.

"მე ვხედავ, რომ შესაძლოა, მსოფლიო დაგვეხმარება, რომ ლუკაშენკომ ვინმესთან საუბარი დაიწყოს, რადგან ის ახლა მხოლოდ პუტინს ესაუბრება. შესაძლოა, საუბარში პუტინის და მსოფლიოს ჩართვაც, რათა ლუკაშენკომ საუბარი დაიწყოს და გაიგოს, რომ არ შეიძლება საკუთარი და ოჯახის წევრების სიცოცხლე ერთ ფიცარზე ხალხის სიცოცხლესთან და მის ბედთან ერთად დაიდოს [...] სამწუხაროდ, ჩვენი სამოქალაქო საზოგადოება ძლიერია, მაგრამ ისეთი ძლიერიც არა. ამიტომაც ჩვენ გვჭირდება მსოფლიოს, შესაძლოა, რუსეთის დახმარებაც", — თქვა ალექსიევიჩი.

ნობელის ლაურეატი მწერალი, რომელიც ოპოზიციის საკოორდინაციო საბჭოს წევრია, ამბობს, რომ ყველაფერი რაც გააკეთეს, კანონიერი იყო.

"თითოეული ჩვენგანი ამაყობს ბელარუსი ხალხით. ბელარუსელები ჩამოყალიბდნენ ერად, რომლის შესახებაც მთელმა მსოფლიომ გაიგო. ჩვენ განვსხვავდებით, მაგრამ ერთი ქვეყანა გვყავს. ჩვენ ერთად უნდა ვიცხოვროთ", — დაამატა მწერალმა.

40 წუთში დაკითხვიდან გამოსვლის შემდეგ მან ჟურნალისტებს განუცხადა, რომ ისარგებლა უფლებით, საკუთარი თავის წინააღმდეგ ჩვენება არ მიეცა. ასევე, მან უარი განაცხადა, გაუთქმელობაზე ხელი მოეწერა.

ბელარუსში ჩატარებული საპრეზიდენტო არჩევნების შემდეგ ქვეყანა საპროტესტო აქციებმა მოიცვა. მოქალაქეები ალექსანდრ ლუკაშენკოს კვლავ გაპრეზიდენტებას აპროტესტებენ და არჩევნების თავიდან ჩატარებას მოითხოვენ. არჩევნების შედეგებს არ აღიარებს გაერთიანებული ოპოზიციის კანდიდატი სვეტლანა ტიხანოვსკაია, რომელიც შედეგების გამოცხადების შემდეგ იძულებული იყო, ქვეყანა დაეტოვებინა. მისი ინიციატივით, ძალაუფლების მშვიდობიანი გადაბარებისთვის საკოორდინაციო საბჭო შეიქმნა.

საბჭოს შექმნის გამო საგამოძიები კომიტეტმა საქმე აღძრა მუხლით, რაც გულისხმობს მოწოდებებსა და ქმედებებს, რომელიც ბელარუსის ეროვნული უსაფრთხოების წინააღმდეგაა მიმართული.

ალექსიევიჩის გარდა დაკითხვაზე საბჭოს კიდევ ოთხი წევრი დაიბარეს.