პრემიერმინისტრ გიორგი გახარიას განცხადებით, იმ სოციალურად დაუცველ სტუდენტებს, რომელთა სოციალური ქულა 150 000-მდეა, 2020-2021 სასწავლო წლის ერთი სემესტრის სწავლის საფასურს მთავრობა დაუფინანსებს. ამის შესახებ გახარიამ მთავრობის სხდომაზე ისაუბრა.

"ყველა სტუდენტი რომელიც არის სოციალურად 150 000 ქულამდე, მიიღებს სახელმწიფოს მხრიდან ერთი სემესტრის, 2020-2021 წლის ერთი სემესტრის სრულ ანაზღაურებას. ამასთან ერთად, ყველა სტუდენტი 150 000 სოციალურ ქულამდე, რომელთაც შეჩერებული აქვთ სტუდენტის სტატუსი სწავლის საფასურის გადაუხდელობის გამო, მათაც სახელმწიფო დაუკომპესირებს მაგრამ უკვე ერთი წლის, 2020-2021 წლის სწავლის საფასურს და ეს გახლავთ 2250 ლარი", — განაცხადა გახარიამ.

როგორც გახარიამ მთავრობის სხდომის შემდეგ განაცხადა, დახმარებას მიიღებს დაახლოებით 33 000 სტუდენტი და მიზანია ის, რომ ეკონომიკური კრიზისის გამო სტუდენტებმა სწავლა არ შეაჩერონ.