როცა კლასიკად ქცეული ანიმაციის ეკრანიზაციის გადაღებას გადაწყვეტენ ხოლმე, კინომოყვარულებისა და ფანების უმეტესობა ინტერესთან ერთად შიშით ელოდება, ვის დაამტკიცებენ მათი საყვარელი პერსონაჟის როლზე.

ზოგ შემთხვევაში, აღშფოთებული გულშემატკივრები მთელ რისხვას რეჟისორისკენ მიმართავენ, როცა ქასთინგ მენეჯერი მათ წარმოსახვაში მტკიცედ გამჯდარი სახებისგან განსხვავებული გარეგნობის მქონე მსახიობზე აჩერებს არჩევანს, თუმცა არსებობს რამდენიმე შემთხვევა, როცა (თითქმის) ყველა ვთანხმდებით, რომ მსახიობი და მისი ანიმაციური პროტოტიპი გაჭრილი ვაშლივით ჰგვანან ერთმანეთს.

ამ სტატიაში მათგან 22 საუკეთესოს იხილავთ.

1. შეგი, Scooby-Doo, Where Are You! (1969–1970) და Scooby-Doo (2002)

მეთიუ ლილარდი ყველანაირად შესაფერისი კანდიდატურა იყო ამ როლისთვის!

2. ველმა, Scooby-Doo, Where Are You! (1969–1970) და Scooby-Doo (2002)

ვაღიაროთ, ლინდა კარდელინიც ძალიან საყვარელი ველმა იყო.

3. ბელი, Beauty and the Beast (1991) და Beauty and the Beast (2017)

ემა უოტსონმა ბელის როლი მთლიანად შეისისხლხორცა.

4. ალადინი, Aladdin (1992) და Aladdin (2019)

როგორც იქნა, დისნეის მომხიბვლელი პრინცის რეალური ვერსიაც ვიხილეთ, რომელიც წარმოშობით ეგვიპტელმა მსახიობმა, მენა მასუდმა, განასახიერა.

5. კრუელა დე ვილი, One Hundred and One Dalmatians (1961) და 101 Dalmatians (1996)

გლენ ქლოუზი ნამდვილად კრუელა დე ვილია, ოღონდ კეთილი.

6. ელზა, Once Upon a Time და Frozen

ჯორჯინა ჰეიგმა შესანიშნავად განასახიერა ელზას როლი, თუმცა, უნდა აღინიშნოს, რომ ამაში თმის, კოსტიუმის და გრიმი შემქმნელები დიდად დაეხმარნენ.

7. ანა, Once Upon a Time და Frozen

ელიზაბეთ ლეილი შესაძლოა, სერიალ You-დან გეცნოთ, სადაც სრულიად განსხვავებული პერსონაჟის როლი შეასრულა.

8. სინდი ლუ, How the Grinch Stole Christmas! (1966) და How the Grinch Stole Christmas (2000)

ტეილორ მომსენი, რომელსაც საზოგადოება სერიალ Gossip Girl-დან და როკ-ჯგუფ The Pretty Reckless-დან იცნობს, ძალიან საყვარელი ბავშვი ყოფილა და სინდი ლუს როლიც ღირსეულად განუსახიერებია. ასაკის სიმცირისდა მიუხედავად, ოსტატურად მოახერხა, პერსონაჟის ხასიათის თვისებებიც დაეჭირა.

9. გრინჩი, How the Grinch Stole Christmas! (1966) და How the Grinch Stole Christmas (2000)

შესაძლოა, ეს მაგალითი თქვენი მოტყუებაც იყოს, რადგან ჯიმ ქერი მთლიანად კოსტიუმით და გრიმით იყო დაფარული, თუმცა მისი შექმნილი მიმიკები ცხადყოფს, რომ ქასთინგ მენეჯერმა დაკისრებულ ვალდებულებას შესანიშნავად გაართვა თავი.

10. ფრედი, The Flintstones (1960–1966) და The Flintstones (1994)

ჯონ გუდმენს როლის სრულყოფილად შესასრულებლად მხოლოდ პარიკიღა აკლდა.

11. მედლინი, Madeline (1993–2001) და Madeline (1998)

თუკი მედლინი ბავშვობაში თქვენი საყვარელი ანიმაცია იყო, პატარა ჰეტი ჯოუნსის შესრულებული როლით უკმაყოფილო ნამდვილად არ დარჩებოდით.

12. ჯემი, Jem (1989–1992) და Jem and the Holograms (2015)

შესაძლოა, არც ფილმი ვარგოდა დიდად და ეს მსგავსებაც მეტწილად გრიმის დამსახურებაა, თუმცა ობრი პიპლსი მართლაც ჰგავს თავის ანიმაციურ ორეულს.

13. ქრისტოფერ რობინი, Winnie the Pooh (2011) და Christopher Robin (2018)

ოლტონ ო'ბრაიენის ქოჩორმა პატარა მსახიობის შერჩევაში ალბათ დიდი როლი ითამაშა.

14. მისტერ კროკერი, The Fairly OddParents (2001–2017) და A Fairly Odd Movie: Grow Up, Timmy Turner! (2011)

ო'ბრაიენის არ იყოს, დევიდ ლუისის ვარცხნილობაც საგანგებოდ შექმნილი გეგონებათ.

15. მაუგლი, The Jungle Book (1967) და The Jungle Book (2016)

ამ სტატიაში უკვე მესამე შემთხვევა, როცა თმა ძალიან მნიშვნელოვანი გამოდგა როლის შესრულებისას, თუმცა ნილ სეთის სამსახიობო ოსტატობაც აღნიშვნის ღირსია.

16. ვილმა, The Flintstones (1960–1966) და The Flintstones (1994)

შესაძლოა, ჰელოუინზე ბევრი გამოწყობილა ვილმა ფლინსტოუნის კოსტიუმში, თუმცა ელიზაბეთ პერკინსი ყველას ჯობია.

17. მალეფისენტი, Sleeping Beauty (1959) და Maleficent (2014)

ანჯელინა ჯოლის სამსახიობო ნიჭის შეფასება ალბათ თავხედობა იქნება, უბრალოდ, ქასთინგ მენეჯერის პროფესიონალიზმია აღსანიშნავი, მალეფისენტის და ჯოლის ლოყებს შორის მსგავსება რომ შენიშნა.

18. კიმი, Kim Possible (2002–2007) და Kim Possible (2019)

მიუხედავად იმისა, რომ ამ ეკრანიზაციამ ბევრის იმედი მაინცდამაინც არ გაამართლა, სედი სტენლი მაინც შესანიშნავად მოერგო როლს.

19. დორა, Dora the Explorer (2000–დღემდე) და Dora and the Lost City of Gold (2019)

იზაბელა მერსედმა არაჩვეულებრივად განასახიერა დორას თინეიჯერული ვერსია.

20. მულანი, Mulan (1998) და Mulan (2020)

წლეულს გამოსული ფილმი შესაძლოა, ჯერ ვერ ნახეთ, თუმცა ლიუ იფეი რომ ზუსტადაა შერჩეული მულანის როლზე, ალბათ დაგვეთანხმებით.

21. ოლივ ოილი, The All New Popeye Hour (1978–1983) და Popeye (1980)

შელი დუვალზე მეტად ამ პერსონაჟს დედამიწის ზურგზე ალბათ არავინ ჰგავს.

22. დაბოლოს — ტარზანი, Tarzan (1999) და The Legend of Tarzan (2016)

2016 წელს გამოსული ეკრანიზაციის მთავარ როლში ალექსანდერ სკარსგარდს ალბათ ვერავინ ამოიცნობს. გრიმიორებს შესანიშნავად უმუშავიათ.