სუპერმარკეტების ქსელი კარფური Glovo-ზეა. აპლიკაციაში კარფურის მაღაზია სუპერმარკეტების კატეგორიაშია განთავსებული, ხოლო კარფურის მზა კვება რესტორნების კატეგორიაში შეგიძლიათ იხილოთ.

მაღაზიაში 2000-ზე მეტი პროდუქტის შეკვეთაა შესაძლებელი და ასორტიმენტიც საკმაოდ მრავალფეროვანია: ხილი, ბოსტნეული, ორგანული და ბიო პროდუქტები, რძის პროდუქტები, ხორცი და თევზი, უალკოჰოლო და ალკოჰოლიანი სასმელები, სურსათი, გაყინული პროდუქტები და სხვა.

მიტანის სერვისის კომპანია Glovo-ს მომსახურებით სარგებლობის შემთხვევაში, თანხის გადახდას როგორც უნაღდო ასევე, ნაღდი ანგარიშსწორებითაც შეძლებთ.

კარფურის შეკვეთას Glovo-ზე შეძლებთ თბილისსა და ბათუმში.

ათასობით პროდუქტი, რომელიც კარფურშია წარმოდგენილი, უკვე თქვენს სმარტფონში, ერთ აპლიკაციაში მოიყრის თავს და საშუალებას მოგცემთ სახლიდან თუ ოფისიდან გაუსვლელად იშოპინგოთ და მიიღოთ სასურველი ნივთები.

Glovo, რომელიც საქართველოში უკვე მეორე წელია ოპერირებს, რითეილ ბაზრის სრულიად ათვისებას და გაციფრულებას გეგმავს, რაც იმას გულისხმობს, რომ მალე აფთიაქების, სუპერმარკეტების, რესტორნებისა და სასაჩუქრე კატეგორიების გარდა, სილამაზისა და მოდის კატეგორიებს შემოგთავაზებთ.

როგორც იცით, Glovo-ს შეკვეთა საქართველოს ხუთ ქალაქშია შესაძლებელი: თბილისში, რუსთავში, ზუგდიდში, ქუთაისსა და ბათუმში. კარფური-ს ქსელის მაღაზიები კი ჯერჯერობით თბილისში, რუსთავში და ბათუმშია წარმოდგენილი, თუმცა კომპანია განაგრძობს გაფართოების შესაძლებლობათა ძიებას, რათა შოპინგის უნიკალური გამოცდილება კიდევ უფრო მეტ მომხმარებელს შესთავაზოს.